Хаартыска sakha.gov.ru ылылынна
Балаҕан ыйыгар кадеттар оскуола-интэринээттэрин саҥа куорпуһа үлэҕэ киириэ.
Кадеттар интэринээттээх оскуолаларын саҥа үөрэнэр куорпуһун арыйарга бэлэмнэнэллэр. Тутуу 98% бэлэм.
—-Оскуолаҕа 7-11 кылаастарга 140 кадет үөрэнэр. Манна киирэргэ оҕолор сүүмэрдээһини ааһаллар. Саҥа үөрэх куорпуһа аһылларынан, үөрэнээччилэр ахсааннарын элбэтэр былааннаахпыт, ону сэргэ, 5 кылааһы аһыахпыт, — диэн кадеттар оскуолаларын дириэктэрин солбуйааччы Николай Баланов кэпсиир.
Үс мэндиэмэннээх үөрэнэр куорпус уопсай иэнэ 6,4 тыһ. кв., Куорпус икки блоктаах. 200 оҕо үөрэнэр куорпуһун таһынан, 125 миэстэлээх интэринээт тутуллар. Ону сэтинньи бүтүүтүгэр үлэҕэ киллэрэр былааннаахтар.
Интэринээт 125 миэстэлээх. Хас биирдии хос түөртүү-биэстии оҕо сытарыгар ананар. Душтаах, дьуһуурунай иитээччи хоһо, рекреация, бэлэмнэнэргэ интернеттээх хос баар буолаллар.
Интэринээт бастакы этээһигэр куруһуокка аналлаах түөрт хос, сынньанар хос, медпункт, таҥастарын-саптарын уурдарар хостор былааннаналлар. Кадеттар таҥастарын сууйар, өтүүктүүр хостоох буолуохтара. Сиригэр-уотугар видеонан кэтээн көрүү баар буолуо. Маны сэргэ, оскуола сиригэр-уотугар дьарыктанар сир, стадион көрүллэллэр. Байыаннай сулууспаҕа бэлэмнэнэллэригэр, дьарыктаналларыгар мэһэйдэрдээх сир, сүүрэр ыллык, футболлуур сир, баскетболлуур, волейболлуур, сүүрэр-көтөр былаһаакка баар буолуохтара.
Сүрүн болҕомто байыаннай-спортивнай бэлэмнэниигэ ууруллар. Оскуолаҕа үөрэнэн баран оҕолор успуордунан дьарыктаныахтара, о.д.а. баар буолара күүтүллэр. Араас тиэхиньикэҕэ үлэлииргэ, противогаһынан туттарга, уо.д.а. үөрэниэхтэрэ. Сайын ахсын интэринээт баазатыгар үөрэтэр-полевой сбордар ыытыллыахтара.
Маны таһынан, аһаҕас аан күннэригэр төрөппүттэрин кытары көрсөллөрүгэр уонна сынньаналларыгар анаан искибиэрдэниэхтэрэ. Үгэс быһыытынан манна выпускниктар ыскамыайкалары туруоруохтара уонна мас олордуохтара.
СӨ Ил Дарханын уонна Бырабыыталыстыбатын пресс-сулууспата
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…