Кафе үлэтэ 30 хонукка тохтотулунна

От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. 

Терүөтүнэн санитарнай-эпидемиологическай ирдэбили элбэхтик кэспиттэрэ буолар, ону бэрэбиэркэлии сылдьан тутан ылбыттар.

Суут быһаарбытынан, кафеҕа ас тобоҕун кутар контейнердар суохтар эбит, бородууктаны харайар усулуобуйа тутуһуллубат, бииргэ сытыа суохтаах  табаардар тэҥҥэ сыталлар, болдьохторо ааспыт бородуукталар булуллубуттар. Ону таһынан технологическай производствоны тэрийиигэ итэҕэс баара көстүбүт, сорох үлэһиттэргэ мэдиссиинискэй киниискэлэрэ суох, эбиитин дьиэлэрин санитарнай туруга соччото суох.

Төһө да итэҕэстэрин сороҕун көннөрүнэ сатаабыттарын үрдүнэн, суут нэһилиэнньэ доруобуйатын харыстыыр туһугар административнай өттүнэн үлэлэрин тохтотор түмүккэ кэллэ.

Кафены бас билээччи,  урбаанньыт, буруйун билиннэ уонна туох баар итэҕэһи туоратыам диэн эттэ.

Суут быһаарыыта күүһүгэр сонно киирдэ, 10 күн устатыгар ааһыныахха сөп, диэн иһитиннэрэр СӨ сууттарын холбоһуктаах пресс-сулууспата.