Хаартыска: РИА Новости.
Муус устар 2 күнүгэр киэһэ 6 чааска Санкт-Петербург куоракка Васильевскай арыыга Университетскай биэрэккэ турар кафеҕа дэлби тэбии буолла. 30 киһи эмсэҕэлээтэ, ол иһигэр 1 киһи тыына быһынна, 24 киһи балыыһаҕа киирдэ диэн РФ доруобуйаҕа харыстабылын министиэристибэтэ иһитиннэрэр.
Бу өлбүт киһи байыаннай кэрэспэдьиэн Владлен Татарскай эбит (дьиҥнээх аата — Максим Фомин диэн). «Кибер Z фронт» дискуссионнай кулууп кини айар киэһэтин тэрийбит. Ким баҕарар киирэр кыахтаах. РИА Новости иһитиннэрбитинэн, кыһыл көмүс солотуулаах статуэтканы хоруопкаҕа уган, киниэхэ бэлэх быһыытынан аҕалбыттар, статуэтка иһигэр дэлби тэбэр тэрил баар эбит.
Статуэтканы Настя диэн ааттаммыт кыыс аҕалбыта биллэр. Бэлэхтиир түгэнин видеота баар, ол кэнниттэн кыратык олоро түһээт, бэйэтэ тахсан барбыт. Биэс мүнүүтэнэн дэлби тэбии буолбут. Чугас олорор дьон эмсэҕэлээбиттэр. Настя дьиҥнээх аата Дарья Трепова диэн эбит. Кинини билигин көрдүү сылдьаллар, ийэтин доппуруостаабыттар.
Араас эчэйиилээх 24 киһини мэдиссиинэ тэрилтэлэригэр илдьибиттэр. Кинилэртэн 6 киһи (ол иһигэр 14 саастаах оҕо) туруга ыарахан диэн министиэристибэ пресс-сулууспата биллэрэр. Атыттар орто уонна чэпчэки эчэйиилээхтэр. Өссө 6 киһи кэлин бэйэтэ кэлэн балыыһаҕа көрдөрүммүт.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…