Хаартыска: Ил Дархан уонна СӨ Бырабыыталыстыбатын пресс-сулууспата
Саха сирэ көҕүлээбит «Мин идэм – ИТ» Арассыыйатааҕы II куонкурус сыыппара үөрэхтээһинигэр биир саамай суолталаах тэрээһининэн буолар.
Быйыл бу куонкуруска дойду 12 эрэгийиэниттэн 15 000 тахса оскуола оҕотуттан уонна устудьуонтан сайаапка киирбититтэн финалга 150 кыттааччы ааста. Ол эбэтэр, биир миэстэҕэ — 100 киһи. Тэрээһини Калининград уобалаһынааҕы сыыппара технологиятыгар уонна сибээскэ министиэристибэтэ өйүүр. Финалистар 40 хамаандаҕа түмсэн, түөрт идэтийбит хайысханан үлэлииллэр. Сүрүн тэрээһиҥҥэ «Россия – Земля возможностей» бэрэсидьиэн платформатын уонна «Мин идэм – ИТ» АНО куонкурус дириэксийэтин икки ардыларыгар бииргэ үлэлээһин дуогабарын түһэрсиэхтэрэ. Күрэхтэһии кыттааччыларга саҥа кыахтары арыйыаҕа уонна федеральнай таһымҥа Саха сиригэр саҕаламмыт хамсааһын сабыдыалын күүһүрдүөҕэ. Финал муус устар 9 күнүгэр буолуоҕа.
Тэрээһин 2023 сылга РФ бырабыыталыстыбатын бэрэссэдээтэлэ Михаил Мишустин сорудаҕынан, Саха сирэ көҕүлээһининэн ыытыллыбыт. “Мин идэм – IT” куонкурус федеральнай таһымҥа тахсан, аан бастаан 10 эрэгийиэҥҥэ тэриллибитэ. Бу хамсааһын 2024 сыллаахха үрдүк сыанабылы ылан, «Бастыҥ оскуола хакатона» номинацияҕа Арассыыйа национальнай хакатоннарын бириэмийэтин хаһаайына буолбута. Маны таһынан, күрэхтэһии Арассыыйа Үөрэҕин министиэристибэтин олимпиадаларын уонна куонкурустарын официальнай испииһэгэр киирдэ.
“Мин идэм – IT” куонкурус туһунан Арассыыйа бэрэсидьиэнэ Владимир Путиҥҥа Дьокуускайга оробуочай сырыытын кэмигэр билиһиннэрбиттэрэ. Өрөспүүбүлүкэ баһылыга Саха сиригэр сырыытын түмүгүнэн ыйбыт сорудахтарын испииһэгэр дойду бырабыыталыстыбатыгар дойду бары муннуктарыттан каадырдары, социальнай уонна үөрэхтээһин бырайыактарын түмэр «Россия – Земля возможностей» платформа тэрээһиннэрин испииһэгэр күрэхтэһиини киллэрии боппуруоһун көрөргө сүбэлээбитэ. Куонкурус РФ Үөрэҕин министиэристибэтин олимпиадаларын уонна куонкурустарын испииһэгэр киирэн, кыттааччыларга дойду үрдүк үөрэх кыһаларыгар киирэллэригэр биир кэлим судаарыстыбаннай эксээмэҥҥэ эбии бааллары киллэрэн туран, чэпчэтиилэри биэрэр.
Биһиги ыраах сытар, уустук суоллаах-иистээх Аллайыаха улууһун Бөрөлөөх нэһилиэгэр Оҕо көмүскэлин күнүн сэргэхтик атаардыбыт. Ол…
Бэс ыйын 1 күнэ – аан дойдуга оҕо көмүскэлин күнэ. Бу бэлиэ күн чэрчитинэн Саха…
ИДьМ Дьааҥытааҕы полиция отделыгар олохтоох киһи сүтэрбит каартатыттан 100 тыһ.солк. тахса харчытын уорбуттарын туһунан иһитиннэрбит.…
РФ Оборуонаҕа министиэристибэтин байыаннай үрдүк үөрэҕин кыһаларыгар туттарсарга ыҥыраллар. Аҕа дойдуга сулууспалыырга олохторун аныан баҕалаахтарга…
200-тэн тахса киһи Арассыыйатааҕы "Буойун" киин турнирыгар кыттыаҕа. Турнир бу сыл балаҕан ыйыгар ыытыллыаҕа. Бу…
Төһө эмэ олорорго сөптөөх дохуоттаахтарын үрдүнэн “сотору кэминэн кэппиэйкэтэ да суох хаалыам” диэн санаалаах сылдьар…