Калининград олохтооҕо дьахтар Саха сиригэр наркотигынан эргиммит

2024 сыл атырдьах ыйыгар Калининград олохтооҕо дьахтар Саха сиригэр криминальнай сыаллаах-соруктаах кэлбит. Мэҥэ Хаҥаласка тыаҕа кистэммит 1 киилэ ыйааһыннаах наркотик баартыйатын ылбыт. Бу туһунан СӨ Борокуратуурата иһитиннэрэр.

Ол наркотиктан сороҕун Дьокуускайга кистэтэлээбит. Сотору кэминэн оперативниктарга тутуллубут. Быһаарыллыбытынан, дьахтар буруйу оҥорор тэриллиилээх бөлөх (ОПГ) састаабыгар киирэр эбит. Эрдэ наркотигынан эргинии иһин иккитэ сууттана сылдыьбыт. Холуонньаҕа олоро сыллдьан, 2018 сыллаахха болдьоҕун иннинэ көҥүлгэ тахсыбыт.

Силиэстийэ кэмигэр уонна суукка буруйун толору билиммит. Суут дьахтары 16 сылга уопсай эрэсиимнээх холуонньаҕа ыытарга уураахтаабыт.