Хаартыска: Людмила Попова.
Саха тылын, литэрэтиирэтин, култууратын учууталларын өрөспүүбүлүкэтээҕи III сийиэһин ыҥырыылаах ыалдьыта, Бүтүн Арассыыйатааҕы “Төрөөбүт тыл, литэрэтиирэ бастыҥ учуутала” күөн күрэс кыайыылааҕа, Калмыкия Өрөспүүбүлүкэтин Элиста куоратын 24-с нүөмэрдээх уһуйаанын калмык тылыгар эбии үөрэхтээһинин педагога Екатерина Николаевна Балакаева санаатын үллэстэр:
— Саха тылын, литэрэтиирэтин, култууратын учууталларын үһүс сийиэһигэр ыҥырыллан кэлбиппиттэн олус үөрэбин. Арассыыйа – элбэх омук олорор сирэ. СӨ үөрэҕин, билимин министиэристибэтэ Калмыкия Өрөспүүбүлүкэтин оскуола иннинээҕи үөрэхтээһинин тэрилтэтин бэрэстэбиитэлинэн талбытыгар махтанабын.
Идэбитин, сатабылбытын, педагогическай көрүүлэрбитин хардарыта үллэстэрбит туһалаах. Манна ылбыт мэтэдиичэскэй билиибит атын өрөспүүбүлүкэлэр оскуола иннинээҕи үөрэҕин тэрилтэлэригэр тарҕаныаҕа. Тылбыт атын-атын эрээри, кыһалҕабыт биир, ордук ийэ тылы уһуйаан оҕолоругар иҥэриигэ. Бастыҥ сатабыллары билэ-көрө кэлбиппиттэн уонна бэйэм уопуппуттан үллэстэрбиттэн үөрэбин.
Калмыкия Өрөспүүбүлүкэтин уһуйааннарыгар төрөөбүт тыл биридимиэт быһыытынан үөрэтиллэр. Ол эбэтэр дьарык наардала калмык тылын үөрэтииттэн саҕаланар. Санитарнай нуорма быраабылаларыгар олоҕуран, дьарыктар федеральнай докумуоҥҥа ыйыллыбытынан ыытыллаллар, нэдиэлэҕэ икки чаас. Калмык тылын үөрэтиигэ бигэргэтиллибит бырагыраама, ону тэҥэ, кэккэ үөрэтэр-мэтэдиичэскэй кэлим оҥоһук баар. Онно олоҕуран оҕолор тылы үөрэтэллэрин таһынан, култуураны, үгэстэри эмиэ билсэллэр.
Ил Түмэн пленарнай мунньаҕар норуот дьокутааттара «Саха Өрөспүүбүлүкэтин 2026 сыллааҕы уонна 2027-2028 сс. былааннаммыт кэмигэр…
ИДьМ Дьокуускайдааҕы управлениетын полиция 1-кы нүөмэрдээх отделын дьуһуурунай чааһыгар, чааһынай дьиэ гарааһын таһыгар уурбут бензопилатын…
Бу күннэргэ Арассыыйаҕа Ийэ күнүн көрсө Владивосток, Хабаровскай байыаннай чаастарыгар баар уолаттарга анаан «Дьиэм аһа»…
Сэтинньи 26-28 күннэригэр ыытыллар «Хотугу сир уонна Арктика – уларыйа турар кэмҥэ аан дойдуга бииргэ…
Ааспыт сууккаҕа Саха сиригэр аҕыс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Бүгүн Ил Түмэн 15 пленарнай мунньаҕа биир улахан боппуруоһунан Саха Өрөспүүбүлүкэтин судаарыстыбаннай бүддьүөтүн 2025 сыл…