Хаартыска: Людмила Попова.
Саха тылын, литэрэтиирэтин, култууратын учууталларын өрөспүүбүлүкэтээҕи III сийиэһин ыҥырыылаах ыалдьыта, Бүтүн Арассыыйатааҕы “Төрөөбүт тыл, литэрэтиирэ бастыҥ учуутала” күөн күрэс кыайыылааҕа, Калмыкия Өрөспүүбүлүкэтин Элиста куоратын 24-с нүөмэрдээх уһуйаанын калмык тылыгар эбии үөрэхтээһинин педагога Екатерина Николаевна Балакаева санаатын үллэстэр:
— Саха тылын, литэрэтиирэтин, култууратын учууталларын үһүс сийиэһигэр ыҥырыллан кэлбиппиттэн олус үөрэбин. Арассыыйа – элбэх омук олорор сирэ. СӨ үөрэҕин, билимин министиэристибэтэ Калмыкия Өрөспүүбүлүкэтин оскуола иннинээҕи үөрэхтээһинин тэрилтэтин бэрэстэбиитэлинэн талбытыгар махтанабын.
Идэбитин, сатабылбытын, педагогическай көрүүлэрбитин хардарыта үллэстэрбит туһалаах. Манна ылбыт мэтэдиичэскэй билиибит атын өрөспүүбүлүкэлэр оскуола иннинээҕи үөрэҕин тэрилтэлэригэр тарҕаныаҕа. Тылбыт атын-атын эрээри, кыһалҕабыт биир, ордук ийэ тылы уһуйаан оҕолоругар иҥэриигэ. Бастыҥ сатабыллары билэ-көрө кэлбиппиттэн уонна бэйэм уопуппуттан үллэстэрбиттэн үөрэбин.
Калмыкия Өрөспүүбүлүкэтин уһуйааннарыгар төрөөбүт тыл биридимиэт быһыытынан үөрэтиллэр. Ол эбэтэр дьарык наардала калмык тылын үөрэтииттэн саҕаланар. Санитарнай нуорма быраабылаларыгар олоҕуран, дьарыктар федеральнай докумуоҥҥа ыйыллыбытынан ыытыллаллар, нэдиэлэҕэ икки чаас. Калмык тылын үөрэтиигэ бигэргэтиллибит бырагыраама, ону тэҥэ, кэккэ үөрэтэр-мэтэдиичэскэй кэлим оҥоһук баар. Онно олоҕуран оҕолор тылы үөрэтэллэрин таһынан, култуураны, үгэстэри эмиэ билсэллэр.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…