«Улахан гостуруоллар» диэн бырайыак чэрчитинэн, СӨ Үүнэр көлүөнэ тыйаатырыгар Калмыкиятааҕы «Джангар» куукула тыйаатыра ыалдьыттыы сылдьар.
Бүгүн, алтынньы 24 күнүгэр, Үүнэр көлүөнэ тыйаатырыгар «Сар-Герел» диэн испэктээкилгэ сырыттым. «Джангар» куукула тыйаатыра бу күннэргэ оҕолорго анаан Корней Чуковскай «Мойдодыр» айымньытын уонна бэйэлэрин норуоттарын бэйиэтэ Давид Кугультинов поэматынан «Сар-Герел» испэктээкиллэри көрдөрбүттэр. Саала иһэ тобус-толору оҕо. Манна лааҕырдартан, куорат араас оскуолаларыттан испэктээкили көрө кэлбиттэр. Бастаан суугунаһыы, оҕолор кэпсэтиилэрэ мэһэйдиэх курдук буолбута, ол эрээри испэктээкил саҕаланан, артыыстар саҥаран-иҥэрэн, оонньоон киирэн барбыттарыгар, били суугунаһыы чуумпуран, иһийэн хаалбыта. Тыйаатыр ураты эйгэтэ уонна Калмык омук илдьэ кэлбит тыына оҕолор куттарын-сүрдэрин туппутун бэлиэтии көрдүм.
Герел диэн кэрэ кыыһы Күн таптыыр. Кыыс тус олоҕун толук ууран, бар дьонун тымныыттан быыһыыр туһуттан таптыыр уолун, дьонун-сэргэтин хаалларан күҥҥэ барар. Ити кэннэ Герел кыыс ый буолан түүҥҥү хараҥаны сырдатар диэн түмүктэнэр айымньы.
Калмыкия өрөспүүбүлүкэтин «Джангар» тыйаатырын сүрүн режиссера Алексей Сарангов санаатын үллэһиннэ:
-Биһиги Саха сиригэр бу бастакы сырыыбыт буолар. Бу иннинэ биһиэхэ, Калмыкияҕа Үүнэр көлүөнэ тыйаатырын артыыстара кэлэн барбыттара. Онон хардарыта ыалдьыттаһар үчүгэй үгэскэ кубулуйан эрэр. Бу билигин көрдөрбүт «Сар-Герел» испэктээкилбит нууччалыы тылбааһа «Лунный свет» диэн. Бу биһиги Калмык норуотун үһүйээнэ буолар. Ону бэйэбит норуодунай бэйиэппит Давид Кугультинов литературнай айымньы суруйан үйэтиппитэ. Давид Кугультинов аатынан оннооҕор планета баар. Сарсын гостуруолбут түмүктэнэр күнэ, онон «»Сар-Герел» эмиэ туруорабыт. Бэйэбит тыйаатырбыт туһунан этэр буоллахха, түөрт сыл анараа өттүгэр төрүттэммиппит. Биһигини дьылҕабыт Саха өрөспүүбүлүкэтин уонна «Үүнэр көлүөнэ тыйаатырын» кытта ситимнээбитигэр махтанабыт.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…