Камчаатка губернатора Владимир Солодов
Саха сирин Бырабыыталыстыбата улуустарынан сылдьан, нэһилиэнньэни кытары көрсөн ааспыт сыллааҕы отчуотун ыытар буолбута быданнаата.
Бу үтүө бачыымы Камчаатка губернатора Владимир Солодов иилэ хабан ылан, кыраай олохтоохторун иннигэр бырабыыталыстыбата отчуоттуурун көҕүлээбитэ. Владимир Солодов 2018-2020 сс. Саха Өрөспүүбүлүкэтин Бырабыыталыстыбатын Бэрэссэдээтэлинэн үлэлээбитэ. Аан бастаан Камчатскай кыраайга бары муниципальнай оройуоннары уонна куораттары кэрийэ сылдьан 2022 сыллаахха отчуоттаабыттара.
Владимир Солодов этэринэн, маннык миэстэтигэр тиийэн олохтоохтору кытары сирэй көрсөн кэпсэтии, отчуоттааһын олус көдьүүстээх уонна муниципальнай тэриллиилэр сайдар былааннарыгар төһүү буолар.
Быйылгы Камчаатка Бырабыыталыстыбатын отчуотун үлэтин Евгений Чекин салайар. Кини эмиэ Саха сирин Бырабыыталыстыбатын 2016-2018 сс. салайбыта.
Оттон Саха Өрөспүүбүлүкэтин Бырабыыталыстыбатын 2022 сыллааҕы үлэтин отчуота олунньу 6 күнүттэн саҕаланыа уонна кулун тутар ый саҥатыгар диэри Саха сирин бары нэһилиэктэрин хабыа. Үлэ түмүгүнэн телевидение нөҥүө отчуот барыа.
Ааспыт үс сылга дьаҥ туран нэһилиэнньэни кытары көрсүһүү буолбатаҕа, онон тохтобул кэнниттэн бу бастакы отчуот. Санатар буоллахха, Саха сиригэр Бырабыыталыстыба отчуота 1999 сылтан ыытыллар.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…