Хаартыска: РБК
Камчаткаҕа сир хамсааһынын кэнниттэн, аны вулканнар эһиннилэр. «Мутновская сопка» диэн хайа эстибит вулканыгар кутталлаах буолуу араҕас куодун иҥэрдилэр диэн РАН Геофизическэй сулууспатын Камчаткатааҕы салаата иһитиннэрэр.
Бу иннинэ Ключевскай мырааҥҥа уонна Крашенинников хайатыгар вулканнар эстибиттэрэ. Крашенников вулкана 600 сыл устата «утуйа» сыппыта. Билигин муора таһымыттан 5-6 килэмиэтир үрдүккэ күлүн, буруотун ыһа турар. Онон сөмөлүөттэр көтөллөрүгэр ыарахаттары үөскэтиэн сөп.
Крашенников вулканын үрдүгэ 1857 миэтэрэ. Петропавловскай-Камчтакай куораттан 20 көс тэйиччи баар. Бу хайа 50-60 тыһыынча сыллааҕыта үөскээбит диэн сабаҕалыыллар. Камчатка вулканнарыттан саамай кырдьаҕастара буолар.
Оттон Ключевскай вулканыттан уот болгуо — лава тоҕунна. Хас да килэмиэтир уһуннаах лава тааһы, буору умата-умата хайа эниэтинэн сыыллан түстэ. Хайа эниэтин быһыытын уларыйыытын куйаарга көтө сылдьар «сир аргыстарын» нөҥүө кэтээн көрөллөр. Вулканнар нэһилиэнньэлээх пууннар аттыларыгар суох буоланнар, кутталы үөскэппэттэр.
Бастатан туран, туристары ити вулканнарга баралларын боптулар. Улахан сир хамсааһынын кэнниттэн, кэлин хас да хонук устата Сир Ийэ син биир дьигиһийэ сытар. Ону «афтершок» диэн ааттыыллар. Бу күннэргэ 3,3-6,2 бааллаах 680 «афтершок» буолла диэн бигэргэттилэр. Бу мантан сылтаан, вулкан төһө улаханнык уонна хаһааҥҥа диэри эстиэҕин сабаҕалыыр кыах суох диэн учуонайдар этэллэр.
Санатар буоллахха, от ыйын 30 күнүгэр Камчатка аттынан Чуумпу акыйааҥҥа 8,8 бааллаах улахан сир хамсааһына буолан, акыйааҥҥа 3 миэтэрэлээх долгун үөскээбитэ. Атырдьах ыйын 4 күнүгэр Камчаткаҕа 5,8 бааллаах сир хамсааһына буолбута.
Кини туһунан суруйан эрэбин. Дьиҥинэн бэркэ билэр саныыр киһим этэ да, дойдубуттан тэйбитим ырааппыта бэрт…
Уус Маайа оройуонун полицията үлэни биэрээччигэ сымыйа докумуону биэрбит дьахтарга холуобунай дьыаланы тэрийдэ. Ол курдук,…
«Үөрэ» диэн өбүгэлэрбит хас да көрүҥү булкуйан оҥоһуллубут аһылыгы ааттыыллар. Холобур, балык үөрэтэ, бэс сутукатын…
Айхал бөһүөлэгэр 50 саастаах дьахтары эрин өлөрүүгэ уорбалаан дьиэҕэ хаайдылар. Мииринэй оройуоннааҕы силиэстийэлиир отдел дааннайдарынан,…
Бүгүн өрөспүүбүлүкэҕэ 282 тэрилтэҕэ кубуоталаах миэстэлэргэ байыаннай дьайыы 579 кыттыылааҕа уонна кинилэр дьиэ кэргэттэрин чилиэннэрэ…
Сүөһүлээх дьоҥҥо 39 тыһ. солк. харчы субсидия көрүллүөхтээх. Ол харчылара баччааҥҥа диэри кэлэ илик. Тоҕо…