Камчаткаҕа бөртөлүөт саахалланна, 22 киһи тыына быһынна

Камчаткаҕа МИ-8Т бөртөлүөт саахалланна. 19 пассажир уонна экипаж 3 чилиэнэ бары суорума суолланнылар диэн РБК иһитиннэрэр.

Ил Дархан Айсен Николаев бу буолбут быһылаанынан кутурҕанын тиэртэ. «Бу ыарахан түгэҥҥэ элбэх омук олорор Саха сирин норуотун аатыттан өлбүттэр чугас дьонугар дириҥ кутурҕаммытын тиэрдэбит. Саха сирэ эһигини кытта», — диэн телеграм-ханаалыгар суруйда.