Камчаткаҕа эдэр бэлиитиктэр пуорумнара ыытыллыаҕа

Пуорумҥа Арассыыйа 13 эрэгийиэниттэн 150 эдэр актыбыыс кыттара күүтүллэр. Тэрээһин ыам ыйын бүтүүтэ Камчаткаҕа буолуоҕа. Манна социологтар, политологтар лиэксийэлэри ааҕыахтара.

Пуорум бэлиитикэҕэ уонна уопсастыбаннай үлэҕэ бастакы хардыыларын оҥорор эдэр дьону түмүү, эрэгийиэннэрин иннигэр эппиэтинэстээх буола үүнэргэ-сайдарга кыаҕы биэрии диэн сүрүн соруктаах ыытыллар.

Сонун тэрээһиҥҥэ Москва, Приморскай, Хабаровскай, Пермскай, Забайкальскай уонна Камчатскай кыраайдар, Владимирскай, Магаданскай, Челябинскай, Амурскай, Сахалинскай уобаластар, Саха Өрөспүүбүлүкэтин уонна Луганскай Норуодунай Өрөспүүбүлүкэ ыччата кыттыаҕа.

Пуорум ыам ыйын 25 күнүгэр саҕаланыаҕа.