Хаартыска: СИА.
Муус устар 3 күнүгэр Камчатскай кыраайга 4-тэн 6,9 диэри магнитудалаах сир хамсааһыннара буолуталаатылар. Дьиэ сууллубута уонна сиэртибэ суох, ол эрээри, сорох дьиэлэр хайыта барбыттар диэн ЫБММ пресс-сулууспата иһитиннэрэр.
5-6 баал магнитудалаах сир хамсааһыннара Петропавловскай-Камчатскай уонна Вилючинскай куорат уокуруктарыгар, Елизовскай оройуоҥҥа, Авачинскай хомо аттыгар буоллулар. Цунами кэлэр куттала суох.
Сир хамсыыр кэмигэр түннүк тааһа тыаһаабыт, истиэнэ хамсаабыт, иһит-хомуос сууллубут, маҕаһыыннарга табаардар сиргэ түспүттэр, дьон куттанан, дьиэттэн сүүрэн тахсыбыттар. «Камчатскэнерго» иһитиннэрбитинэн, куорат сорох оройуоннарыгар уот барбыт. Мутновскай ГеоЭс-1 ыстаансыйаҕа биир турбогенератор арахсан хаалбыт эбит. Элэктэриичистибэнэн хааччыйыыны чаас аҥаарын иһинэн сөргүппүттэр.
«Единая геофизическая служба РАН» федеральнай чинчийэр киин Камчаткатааҕы филиалын дааннайынан, бу сир хамсааһына кэнники 25 сылга саамай күүстээх эбит. Бу иннинэ маннык күүстээх сир хамсааһына 1997 сыл ахсынньы 5 күнүгэр буолбута диэн СИА суруйар.
Санатар буоллахха, олунньуга Турцияҕа уонна Сирияҕа 7-тэн тахса баал магнитудалаах сир хамсааһыннара буолан, элбэх дьиэ урусхалламмыта, уонунан тыһыынча киһи суорума суолламмыта.
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…