Хаартыска: СИА.
Кулун тутар 24 күнүгэр фигурнай хаҥкылааһыҥҥа олимпийскай чөмпүйүөн Камила Валиева “Эллэй Боотур” муус дыбарыаска “Муус устар” бэстибээл чэрчитинэн, эдэр спортсменнарга маастар-кылааһы ыытта диэн СИА суруйар.
Тэрээһин саҕаланыытыгар Камила удаҕан кыыс уобараһыгар киирэн, көрөөччүлэргэ үҥкүүлээн көрдөрдө. Бу кэнниттэн фигурнай хаҥкынан дьарыктанар оҕолорго маастар-кылааһын ыытта.
— “Муус устар” ыччат бэстибээлигэр кыттарым миэхэ улахан чиэс. Саха сиригэр фигурнай хаҥкылааһыҥҥа болҕомто уурулларыттан уонна сайдан иһэриттэн үөрэбин. Сылаас сыһыаҥҥытыгар, истиҥ көрсүүгүтүгэр махтанабын, — диэн Камила Валиева эттэ.
Спорт миниистирэ Леонид Спиридонов киниэхэ махтанан туран, сахалыы ытарҕаны бэлэхтээтэ.
Камила Валиева бырагырааматын биир чаҕылхай көстүүтүнэн Саха сирин оҕолорун кытары үҥкүүлээн флешмоб оҥорбута буолла. Бу кэнниттэн 16 саастаах олимпийскай чөмпүйүөн оҕолору кытта “Уэнсдэй” сериалтан аатырбыт үҥкүүнү толордо.
Түмүгэр кини сүгүрүйээччилэрэ сувенирдары, баҕа санааларын тиэртилэр. Олимпийскай чөмпүйүөнү бу илэ көрөр, кэпсэтэр, киниттэн уһуйуллар эдэр спортсменнарга элбэҕи биэрэр, бу күн кинилэр олохторугар умнуллубат түгэни бэлэхтээбит буолуохтаах.
Бүгүн, олунньу 16 күнүгэр, өрөспүүбүлүкэ баһыйар үгүс өттүгэр кыралаан хаардыаҕа, киин, соҕуруу диэки хаар сөбүгэр…
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…