Канада туруйалара — «Кыталык» судаарыстыбаннай айылҕа пааркатыгар

СӨ Биологическай ресурсаларын, айылҕа ураты харыстанар сирдэрин уонна айылҕа пааркаларын дириэксийэтин исписэлииһэ Айгуль Елизарова «Кыталык» судаарыстыбаннай айылҕа пааркатыгар Канада туруйаларын видеоҕа устубут.

Канада туруйата (Grus canadensis) Хотугу Америка уонна Азия хотугулуу-илиҥҥи өттүн киэҥ сиригэр-уотугар олохсуйар. Оттон Саха сиригэр туруйа субарктическай туундараттан тыалаах туундараҕа уонна хотугулуу айылҕаҕа уйаланар.

«Биһиги Канада туруйатын кыһыллыҥы өҥнөөҕүн көрөргө үөрэммиппит, ол эрээри кини бастаан бороҥ өҥнөөх буолар, биһиэхэ кыһыллыҥы өҥнөнөн кэлэр. Бу хас да факторынан быһаарыллар: көтөрдөр тимирдээх буордаах бадарааҥҥа аһыыр кэмнэригэр түүлэрин өҥө уларыйар. Ону таһынан, көтөрдөр иирсиһиилэрин кэмин кытта сибээстээх буолуон, маннык өҥнөнөн сөптөөх аҥардарын бэйэлэригэр тардыахтарын сөп», — диэн орнитолог, Биология уонна криолитозона кыһалҕаларын институтун исписэлииһэ Мария Владимирцева кэпсиир.