«Кантата» үбүлүөйдээх бэстибээл дойду 10 эрэгийиэнигэр буолуоҕа

«Кантата» классическай муусука V норуоттар икки ардыларынааҕы бэстибээлэ бэс ыйын 12-15 күннэригэр ыытыллыаҕа.

Бэстибээл Арассыыйа күнүгэр дойду 10 эрэгийиэнигэр – Калининградтан Владивостокка диэри Бүтүн Арассыыйатааҕы аахсыйанан саҕаланыа. Бырааһынньык аахсыйата дойду саамай уһук муннуктарыттан дьон сүрэҕин түмэн, кэрэ муусуканы тилиннэрэн сомоҕолоһуу бэлиэтинэн буолар.

«Кантата» бэстибээл үөрүүлээх сабыллыыта бэс ыйын 15 күнүгэр аһаҕас халлаан анныгар сүдү гала-кэнсиэринэн түмүктэниэ.
Классическай муусука норуоттар икки ардыларынааҕы бэстибээл уус-уран салайааччыта Мариинскай тыйаатыр дирижера Кристиан Кнапп буолар. Геральнай продюсер — К.С. Станиславскай уонна Вл. И. Немирович- Данченко МАМТ тыйаатырын институтун генеральнай дириэктэрэ Андрей Борисов.
Бэстибээл чэрчитинэн «Картина мира» диэн ааттаах эдэр худуоһунньуктар аан дойдутааҕы куонкурустарын кыайыылаахтарын быыстапкаларын арыллыаҕа. Сиһилии манна аах.