Бу күннэргэ Дьокуускайга «Кыһын Саха сириттэн саҕаланар» кыһыҥҥы туризм бэстибээлин чэрчитинэн «Саха сирин амтана» үбүлүөйдээх гастрономическай бэстибээл буола турар.
Кэрэхсэбиллээҕэ баар, олохтоох эттэн, үүттэн балыктан оҥоһуллубу сонун бүлүүдэ бииртэн биир тахсан иһэр. Урукку сыллларга балык арааһыттан бүлүүдэ элбэх эбит буоллаҕына, бу күннэргэ ордук убаһа этэ «күннээтэ».
“Гурмэ” хампаанньатын маркетолога Наталья Наумова бэлиэтээбитинэн, 2020 сыллаахха аһыллыбыт «Кантри стейк» эрэстэрээн сыстыганнаах дьаҥ үгэннээн турдаҕына аһыллыбыт. Ол да иһин буолуо Чернышевскай 66 уоптабай ырыынак утары дьоҕус эрээстэрээни үгүс киһи ааһа барара чахчы. Холобура, эрэстэрээн иһин бу курдук устан ыыппыт видеобын статуспар көрөөт, үгүс киһиттэн «бу ханна баарый?» диэн ыйытыы кутулла түспүтэ.
Наталья Наумова эрэстэрээн туһунан кэрийэ сылдьан билиһиннэрдэ:
«Саха сирин амтана» бэстибээлгэ кэлбит Арассыыйа эргэгийиэннэрин пуобардара эт аска анаан идэтийэр эрэстэрээни кэрэхсии көрдүлэр.
Эрэстэрээн киэргэтиитэ Саха сирин тиэмэтигэр анаммыт. Саха сирин үүнээйилэрэ дьиэ үрдүгэр ыйанан тураллара тыаны санатар.
Ол курдук люстралара таба муоһуттан оҥоһуллубуттара — ураты көстүү.
Эрэстэрээн «Кантри Стейк» хас да араас ис хоһоонноох да хостордоох.
Эрэстэрээн шеф-пуобара Денис Илюшин Саха сиригэр дьиэ кэргэнин кытта олохсуйбута тохсус сыла. Олохтоох кыыһы кэргэн ылбыт буолан, Саха сирин иккис дойду оҥостубут. «Аан бастаан Саха сиригэр кэлээппин кытта аҕа кынным убаһа этин амсаппыта. Ол онно наһаа сөбүлээбитим. Онтон ыла бу эттэн бүлүүдэ арааһын астыыбын», — диэн кэпсиир анал идэлээх асчыт. Кини убаһа ойоһуттан астаабыт «Ойуур тыына» («Дух леса») бүлүүдэтин ыалдьыттар олус сөбүлээтилэр.
Шеф-пуобар «Индигир сүрэҕэ» диэн балыктан оҥоһуллубут салааты билиһиннэрдэ.
Аан бастаан «Саха сирин амтана» бэстибээлгэ кыттар эрэстэрээн бастакы бүлүүдэтэ «Индигир сүрэҕэ» салаат тас көстүүлүүн да сиэдэрэй.
Кэрэхсэбиллээҕэ баар, шеф-пуобар аҕалбыт астарын хаартыскаҕа түһэрэр кэммитигэр төһө да буокайа суох буоллар, сүүрэн кэлэн, астаабыт аһын кэпсээн билиһиннэрэн иһэр. Онон ааптартан бэйэтиттэн истэр ордук буоллаҕа.
Холобура, мороженайы хайдах оҥорбутун Денис Илюшин маннык билиһиннэрдэ:
Ол минньигэс мороженай маннык буолан тахсыбыт.
Салгыы бармен Роман Черепанов бэртээхэй кваһы дөлүһүөнтэн хайдах оҥорбутун билсиэҕиҥ.
«Кантри Стейк» эрэстэрээн бэстибээлгэ олус тэрээһиннээхтик кыттыбытын дьүүллүүр сүбэ салайааччыта Татьяна Тымырова анаан бэлиэтээтэ:
Тэрээһин бүппүтүн кэннэ дьүүллүүр сүбэ чилиэнэ, «Атласовтар уһаайбалара» эрэстэрээн бренд-пуобара Николай Атласов санаатын маннык үллэһиннэ:
Салгыы Николай Васильевич санаатын маннык түмүктээтэ:
… Ити курдук, «Саха сирин амтана» гастрономическай бэстибээл бу өрөбүллэргэ диэри салҕанар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…