Хаартысканы Марта Николаева ыытта
Бүгүн Капитоновкатааҕы В.И.Кононов аатынан кырдьаҕастар уонна инбэлииттэр интэринээт-дьиэлэрин үлэһиттэрин ыҥырыытынан республикатааҕы Оһуокай уопсастыбатын этээччилэрэ ыалдьыттаатылар.
Быйыл манна 201 кырдьаҕас уонна инбэлиит олорор. Тэрилтэ 165 үлэһиттээх. Олорор корпустара 1971-1976 сс. тутуллубуттар. Дириэктэр, быраас идэлээх Алексей Петрович Шестаков интэринээт олоҕун билсиһиннэрдэ. Таһыттан маннык кэлэн, култуурунай бырагырааманан сэргэхситэллэрэ үчүгэйин бэлиэтээтэ.
Оһуокай уопсастыбатын бэрэссэдээтэлин солбуйааччы, Дархан этээччи Марта Николаева Оһуокай уопсастыбатын бэрэссэдээтэлэ А.Д.Данилов Дьулуур Хаан аатыттан эҕэрдэлээн туран, алгыстаах түһүлгэни төрүттээтэ. Оһуокай бэрэссэдээтэлин солбуйааччы, быйылгы сылга Ил Дархан Оһуокайга стипендиата Ирина Васильевна Абрамова көрдөөх оонньууну оонньотто. Манна интэринээт олохтоохторо Марианна Слепцова, Петр Дьячковскай кыайаннар, бирииһинэн наҕараадаланнылар. Үтүөлээх этээччи Мария Бассанова ырыанан эҕэрдэлээтэ, алгыстаах түһүлгэтинэн доруобуйаны баҕарда.
Интернат үлэһиттэрэ уонна олохтоохтор Оһуокай уопсастыбатын этээччилэригэр махтаннылар. Үүнэр сыл Кыайыыны түстээтин диэн баҕардылар.
Марта Николаева
“Норуокка чугас буолуохха наада. Ол иһин, мин айанныыр кэмнэрбэр нэһилиэнньэни кытары кэпсэтэбин, кинилэр ыйытыыларын уонна…
Бүгүн Дьокуускайга Бэчээт дьиэтин пресс-киинигэр "ГЛОБАЛ КАРС” XЭТ массыына саҥа холдинын биһирэмэ буолла. Саҥа хампаанньаҕа…
ИДьМ Хаҥалас улууһунааҕы салаатыгар олохтоох киһи сайабылыанньалаах кэлбит. Бу киһиттэн сим-каартата уонна счетуттан 28 000…
Куорат оптуобустарын сырыытын кыс ортото уларытыы - мээри кытта көрсүһүүгэ биир сытыы боппуруоһунан буолла. Бу…
Михаил Ефимович Николаев сырдык аатын үйэтитии иитинэн, "Аан Дархан" диэн биэрии ситимин саҕалаата. Биэриини СӨ…
Бу чааска Дьокуускай куорат мээрэ Евгений Григорьев суруналыыстарга пресс-кэмпириэнсийэ ыыта олорор. Куорат мээрэ 2024 сыл…