«Карина» «Айта» рекордун куоһарыа дуо?

Ааспыт чэппиэртэн Саха сирин киинэ тыйаатырдарыгар көстө турар «Карина» киинэ билиҥҥи туругунан (чэппиэртэн өрөбүлгэ диэри) каассаҕа 7,9 мөлүйүөн солкуобайы хомуйда. Бу туһунан Киинэ пуондатын ЕАИС саайтын дааннайдара көрдөрөллөр.

Ол курдук, бу киинэни түөрт күн иһигэр 23 932 киһи көрбүтэ биллэр, 226 сеанс буолбут.

Оттон бүгүҥҥү күҥҥэ Саха сиригэр прокакка саамай элбэх харчыны хомуйбут киинэнэн «Айта» (2023 сыл кулун тутарыгар тахсыбыта) буолар. Киинэ көстөрүн тухары 26,4 мөлүйүөн солкуобайы хомуйбута. Эмиэ бу ЕАИС саайт дааннайдарынан көрдөххө, бастакы түөрт күҥҥэ 8,1 мөлүйүөн солкуобайы хомуйбут.

«Карина» киинэ туһунан сиһилии манна ааҕыҥ.