Хаартыска: СИА
Өлүөхүмэ ойууругар 12 күн муна сылдьыбыт үс саастаах Карина Чикитова туһунан киинэ бу сыл муус устар 11 күнүгэр киэҥ экрааннарга тахсыаҕа.
Билиэттэри атылааһын номнуо саҕаланна. Дьокуускайга «Карина» киинэҕэ билиэттэри хаассаларынан биэс киинэ тыйаатыра атыылыыр — «Емеян», «Азия», «Авиатор», «Центральнай» уонна «Cinema-Center». Сыана араастаһар: бириэмэтиттэн уонна миэстэлэртэн көрөн 240-тэн 840 солк. диэри халбаҥныыр.
Саамай бастакынан «Азия» киинэ тыйаатырыгар сарсыарда 09:30 чаастан көрдөрүөхтэрэ. Сарсыардааҥы кэмҥэ билиэт сыаната 280-тан 560 солк. диэри халбаҥныыр. Премьера күнүгэр «Азия» киинэ тыйаатырыгар барыта 11 сеанс ыттыллыаҕа, «Емеяҥҥа» — 10, «Центральнайга» — 5, «Авиаторга» — 4, оттон «Cinema-Center» биир сеанс былааннанар.
Киинэ 2014 сыллаахха Өлүөхүмэ улууһугар буолбут түбэлтэҕэ олоҕурар. Үс саастаах кырачаан Карина ойуурга мунарын, ону Найда диэн ыта өрүһүйэрин туһунан көстүөҕэ.
Карина Чикитова туһунан киинэни Оломо сэлиэнньэтиттэн 18 километр тэйиччи сытар «Быһыктаах» диэн сиргэ устубуттара. Сүрүн оруолга София Прибылых талыллан, биэс сааһыгар саха кинематографиятын устуоруйатыгар саамай эдэр актер буолар.
Ханнык баҕарар киһи иллэҥ кэмигэр сөбүлүүр дьарыктаах буолар. Ким эрэ баайар, ким эрэ уһанар, ким …
ИДьМ 2 №-дээх полициятын отделын дьуһуурунай чааһыгар Дьокуускай куорат олохтооҕо 9 саастаах кыыс оҕоттон 17…
Ыам ыйын 16 күнүгэр Айсен Николаев Ыйааҕынан, Арбузова Светлана Александровна СӨ Баайга-дуолга, сиргэ сыһыаннаһыыга миниистирин…
Ыам ыйын 16 күнүгэр Ил Дархан Айсен Николаев Ыйааҕынан, Дмитрий Васильев Инновация, сыыппаранан сайдыы уонна…
Өлүөнэ өрүскэ муус уста турарынан сибээстээн, Дьокуускай куоракка иһэр, туттар уубут хаачыстыбата хайдаҕый? Бэрэбиэркэ, чинчийии…
Алексей Копытов Инновация, сыыппаранан сайдыы уонна инфокоммуникационнай технология миниистирин бастакы солбуйааччынан ананна. Бу туһунан ыам…