Карина Ефимова — дзюдоҕа Арассыыйа икки төгүллээх чөмпүйүөнэ

Саха сирин дзюдоҕа сүүмэрдэммит хамаандатын лиидэрэ  Карина Ефимова (52 киилэҕэ диэри) иккис сылын Арассыыйа чөмпүйэнээтин кыһыл көмүс мэтээлин ылары ситистэ.

Финалга кини Саратовтан сылдьар  Лилия Нугаеваны кытары кииристэ.  Карина күүстээх характерын көрдөрөн, кыайыылаах үрдүк аатын ылла. Итиэннэ 52 киилэҕэ диэри ыйааһыҥҥа дойдуга лиидэр буоларын дакаастаата диэн Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.

Кини өрөспүүбүлүкэҕэ бастакы дзюдоҕа  норуоттар икки ардыларынааҕы кылаастаах успуорт маастара буолар. Билигин кини икки төгүллээх чөмпүйүөн.