Хаартыска -- социальнай ситимнэртэн
Социальнай ситимнэргэ Карина Чикитованы бастакынан булбут Артем Борисов туһунан саҥа тахсыбыт киинэҕэ көрдөрбөтөхтөрүн, бэйэтин ыҥыран ким да кэпсэппэтэҕин туһунан ырытыы хото тарҕана турар.
Артем Борисов диэн кимий? Итинник ис хоһоонноох ырытыы-кэпсэтии тахсыбыта төһө оруннааҕый? Бу туһунан Өлүөхүмэ улууһун Кээччи нэһилиэгин баһылыга Роза Федотованы кытта кэпсэттим.
— Карина Чикитованы көрдөөһүҥҥэ нэһилиэкпит олохтоохторо бары туруммуттара. Көмөҕө эмиэ бэрт элбэх киһи кэлбитэ. Биир да нэһилиэк туора туран хаалбатаҕа, бары бэйэлэрин бэрэстэбиитэллэрин ыыппыттара. Инньэ гынан, элбэх киһи буолан, барыларын сыаптыы туруоран көрдөппүттэрэ. Ол сылдьан кыыспыт бэйэтин биир дойдулааҕар көстө түспүтэ. Кырдьык, Каринаны аан бастакынан Кээччи нэһилиэгин олохтооҕо Артем Борисов булбута. Ити социальнай ситимҥэ суруйалларын курдук, кини билигин байыанннай дьайыыга сылдьыбат. Идэтинэн — байыаннай. Аармыйаҕа сулууспалаан баран, олоҕун байыаннай дьыалаҕа анаабыта. Сааһынан отутун эрэ ааста. Үлэтин быыһыгар дойдутугар уоппускатыгар кэлэн барар. Суруйалларын курдук, кыысчааны чуолаан Артем Борисов булбутун туһунан ханна да улаханнык сырдаппатахтара. Оттон биһиги ону бары билэбит. Билигин ити ырытыы-кэпсэтии тахсыбытын кэнниттэн киинэ кэмигэр дьон үксэ Каринаны ким булбут түгэнин кэтэһэ олороро буолуо. Мин билигин куоракка баар буоламмын, бүгүн киинэҕэ анаан бараары олоробун. Онон интэриэһим эмиэ олус улаатта. Уонна биһиэхэ буолбут түбэлтэ буолан, чугастык ылынабыт. Киинэ уһуллуон иннинэ Кээччигэ кэлэн көрө сылдьыбыттара да, нэһилиэкпит тыата суох алаас сир буолан, атын нэһилиэккэ тиийэн устубуттара.
Артем Борисов кыысчаан туһунан киинэ уһулла сылдьарын билэр. Оттон Карина Чикитова төрөөбүт дойдутугар сайын аайы кэлэн сынньанан барар. Онон кыыспытын кытта билсэ олоробут.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…