«Карта юного жителя Якутии» бырайыак үлэтэ саҕаланна

2025 сыл ыам ыйын 21 күнүттэн «Карта юного жителя Якутии» бырайыак үлэтэ саҕаланна. Бу 7-13 диэри саастаах оҕолорго аналлаах эбии уопсай сайыннарар бырагыраама буолар.

2025 сылга бырагырааманы “Дьокуускай куорат” куораттааҕы уокурукка 1000 оҕону хабан үлэлэтэн көрүөхтэрэ.

Хайдах суруйтарабыт?

— Сайаапканы “Судаарыстыбаннай өҥө” (“Госуслуги”) портал нөҥүө ыытыҥ;

— “Услуги” диэни талыҥ, салгыы «Образование. Дети», онтон «Запись на программу дополнительного образования»;

— “КЮЖЯ” бэлиэлээх сөбүлээбит үөрэххит бырагырааматын талыҥ;

— “Судаарыстыбаннай өҥө” (“Госуслуги”) порталыгар эбэтэр электроннай буочтаҕа оҕо киирбитин туһунан иһитиннэрии кэлбитин кэннэ, үөрэх тэрилтэтигэр сөбүлэҥҥэ илии баттаһа тиийэҕит.

Оҕо киирэригэр маннык докумуоннар ирдэнэллэр:

— оҕо төрөөбүтүн туһунан сибэдиэтэлистибэтин куопуйата;

— төрөппүт/сокуоннай бэрэстэбиитэл пааспара.

“Карту юного жителя Якутии” баан бэрэстэбиитэлин кытта үөрэх тэрилтэтигэр эбэтэр “Алмазэргиэнбаан” офистарыгар, эбэтэр сөбүлэҥ түһэрсибиккит кэннэ ыытыллыбыт сигэнэн онлайн оҥортороҕут.

Каартаны оҥорторорго маннык докумуоннар ирдэнэллэр:

— оҕо төрөөбүт туһунан сибэдиэтэлистибэ куопуйата;

— төрөппүт/сокуоннай бэрэстэбиитэл пааспара;

— электроннай көрүҥүнэн оҕо СНИЛСа, хаартыската;

— оҕо уонна төрөппүт/сокуоннай бэрэстэбиитэл төлөпүөннэрин нүөмэрдэрэ.

Каарта 3-5 күнүнэн бэлэм буолар.

Өҥөнү үөрэх тэрилтэтин терминалынан каартанан төлүүгүт. Тиийбэт сууматын бэйэҕит эбэн биэриэххитин сөп. “КЮЖЯ” бырайыагынан үөрэх бырагыраамаларын испииһэгин саайтка “КЮЖЯ” диэн суруйан көрүөххүтүн сөп.

Сиһилии иһитиннэриини СӨ Саҥа технологияларын институтугар 8(4112) 43-57-07 бу төлөпүөнүнэн ылыаххытын сөп. Бу туһунан Үөрэх уонна билим министиэристибэтэ иһитиннэрэр.