Катердарга бырайыас сыаната намтыаҕа
![](https://sakha-sire.ru/wp-content/uploads/2024/06/mrbspfcxijm.jpg)
Бэс ыйын 4 күнүттэн Дьокуускайтан Аллараа Бэстээххэ тиэрдэр түргэн катердарынан сырыы сыаната түһүөҕэ. Ол эбэтэр, 1000 солкуобайтан түһэн, 800 солкуобай буолуоҕа.
— Билигин сааҥсыйалар киирбиттэринэн, атын үһүс дойдунан эргитэн аҕалалларынан сибээстээн, саппаас чаас сыаната үрдээтэ. Ол да буоллар, Саха сирин олохтоохторун иннилэригэр социальнай эппиэтинэстээхпитин өйдүүбүт, онон биригээдэлэри кытта сүбэлэһэн баран, бырайыас сыанатын 800 солкоубайга диэри түһэрэргэ быһаардыбыт, — «ЛенаВодСервис» хампаанньа салайааччыта Борис Строев кэпсээтэ.
Кини этэринэн, билигин биригээдэлэр салгын олбохтоох суудуналарыгар күһүҥҥү кэмҥэ эрдэттэн бэлэмнэнэллэр. Быйыл саас элбэх суудуна мууска эмсэҕэлээбит, ону өрөмүөннүөххэ наада. Онон саппаас чаастары эрдэ сакаастаан, сайын өрөмүөн үлэтэ ыытыллыахтаах.
Билигин өрүһү туоратыыга 25 катер үлэлиир. Сарсыарда 7 чаастан киэһэ 9 чааска диэри туораталлар.
Санатар буоллахха, 2023 сыл күһүнүгэр катерга бырайыас сыаната 600 солкуобайтан 700 солкуобайга диэри үрдээбитэ.
Сообщить об опечатке
Текст, который будет отправлен нашим редакторам: