Казахсатаҥҥа Саха сирин күннэригэр саха киинэтин, олоҥхону, балеты көрдөрүөхтэрэ

Муус устар 18-23 күннэригэр Казахстаҥҥа Саха сирин күннэрэ ыытыллыахтара. Бу күннэргэ күн аайы култууурунай бырагыраамалары былааннаатылар. Ол иһигэр киинэ, балет, олоҥхо, литература, муусука баар.

Саха сирин күннэрин кэмигэр «Виртуозы Якутии» скрипачтар ансаамбыллара бырагыраама бэлэмнээтэ. Итиэннэ Олоҥхо тыйаатыра, опера уонна балет тыйаатыра эмиэ бэйэлэрин репертуардарыттан көрдөрүөхтэрэ. «Сокровища Якутии» быыстапка туруоҕа.

Казахстан олохтоохторо сахалыы киинэлэри көрүөхтэрэ, норуодунай бэйиэт Наталья Харлампьева хоһооннорун кытта билсиэхтэрэ.