Хаартыска: култуура, духуобунай сайдыы министиэристибэтэ.
Муус устар 18-23 күннэригэр Казахстааҥҥа Саха сирин күннэрэ ыытылыннылар. Түмүктүүр тэрээһининэн Алматы куоракка Абай аатынан Казах национальнай академическай опера, балет тыйаатырыгар «Ньургун Боотур» опера буолла.
Казахстааҥҥа Саха сирин күннэрэ Ил Дархан Айсен Николаев уонна Казахстан бэрэсидьиэнэ Касым-Жомарт Токаевтыын былырыын кэпсэппиттэрин түмүгэр, ыытылыннылар.
— Казахстаан олохтоохторугар сылаас сыһыаҥҥыт, дохсун ытыс тыаһынан көрсөргүт иһин махтанабыт. Астана уонна Алматы тыйаатырдарын саалалара бары тобус-толору этилэр. Уруулуу норуоттар доҕордоһуулара салҕанар. Эһигини аны Саха сиригэр күүтэбит, — диэн култуура, духуобунай сайдыы миниистирэ Афанасий Ноев эттэ.
Бу күннэргэ бары хайысхаларынан үлэ барда. Сүрүннээн өрөспүүбүлүкэ атыы-эргиэн, инвестиционнай, туристическай кыаҕын көрдөрдө. Айсен Николаев уонна Касым-Жомарт Токаев бииргэ үлэлэһии торумун кэпсэттилэр.
Ил Дархан Казахстаан бырабыыталыстыбатын бэрэссэдээтэлэ Олжас Бектеневы, туризм, спорт миниистирэ Ермек Маржикпаевы кытта көрсөн, атыы-эргиэн, спортивнай тэрээһиннэри туорумнаатылар.
Кэккэ докумуоннарга илии баттастылар. Саха сирэ Хотугу-Казахстаанскай уобалас акиматын кытта бииргэ үлэлэһиэҕэ. Казахстаҥҥа мас-рестлинг аан дойдутааҕы турнира буолуоҕа. Саха сирин уонна Казахстаан Суруйааччыларын сойуустара бииргэ үлэлэһэргэ илии баттастылар.
Саха сирин сайдыытын корпорацията Казахстаан Креативнай индустрияларын альянсын кытта бииргэ үлэлэһиэҕэ.
Олус элбэх култуурунай тэрээһиннэр ыытылыннылар. «Ньургун Боотур» олоҥхону казахтар олус сылаастык ылыннылар. Маны тэҥэ, «Кыыс Дэбилийэ» олоҥхо-испэктээкил, «Аан дойду эпостарын көрсүһүүлэрэ» кэнсиэр, «Геометрия движения», «Сияющий камень» балет испэктээкиллэрэ, «Виртуозы Якутии» ансамбыл түөрт кэнсиэрэ, «Легендарный Максим» быыстапка ситиһиилээхтик ыытылыннылар.
«Сокровища Якутии» уонна «Чарующие звуки предков» быыстапкалар дьон болҕомтотун тартылар. «Сделано в Якутии» оҥорон таһаарааччылар дьаарбаҥкалара элбэх дьону түмтэ.
Ил Дархан, бырабыыталыстыба дьаһалтатын пресс-сулууспата.
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…