Хаартыска: РИА-Новости
Казахстаҥҥа Алма-Ата куоракка эмиэ сир хамсааһына бэлиэтэннэ. Бу сырыыга кулун тутар 4 күнүгэр олохтоох бириэмэнэн сарсыарда 11 чаас 22 мүнүүтэҕэ 5 бааллаах сир хамсааһына буолла диэн ТАСС суруйар.
Сир хамсааһынын киинэ Алма-Ата куораттан 3 көстөөх сиргэ баар эбит. Казахстан ЫБММ пресс-сулууспата иһитиннэрбитинэн, Алма-Ата уобалаһыгар 5 бааллаах, Жетысускай уобаласка 2 бааллаах сир хамсааһына бэлиэтэммит. Алма-Ата куоракка сиреналары холбообуттар. Дьону уолуйбаттарыгар көрдөспүттэр. Оттон дьон бары дьиэлэриттэн сүүрэн тахсан, таһырдьа кэтэспиттэр.
Дьиэ-уот урусхалланыыта суох, сиэртибэ баара билиҥҥитэ биллэ илик. Сибилигин эмсэҕэлээбит дьон туһунан информацияны хомуйаллар.
Санатар буоллахха, быйыл тохсунньу 23 күнэ үүнэр түүнүгэр Казахстан Алма-Ата куоратыгар 5 бааллаах сир хамсааһына буолбута. Оттон 6,7 бааллаах сир хамсааһынын киинэ Казахстан, Киргизия уонна Кытай кыраныыссаларын аттыгар буолбута. Алма-Ата куоракка араас эчэйиини ылбыт 44 киһи балыыһаҕа көрдөрүммүтэ. Куорат үгүс олохтоохторо дьиэлэриттэн тахсан, олбуорга туран кэтэһэргэ, оҕолорун-урууларын илдьэ оскуолаларга тиийэн хонорго күһэллибиттэрэ. Хата, улахан хоромньу тахсыбатаҕа.
Оттон 2023 сыллаахха Турцияҕа, Сирияҕа 7,8 бааллаах сир хамсааһына буолбута. Турцияҕа 50 тыһыынчаттан тахса киһи суорума суолламмыта, элбэх дьиэ сууллубута.
Сунтаар Ыгыаттата - Кыыл Уолун ытык сирэ. Бу сир миэхэ, Сунтаар дьонугар, Сибиэрэп аймахтарыгар, үөлээннээхтэригэр,…
От ыйа — сайын үгэнэ, сайын оройо. От-мас сибэккитэ, туораҕа ситэр. Үрэх кытылыгар сардаана сибэкки…
“Булчуттар бүгүн ытынан суоллаан көрүөхтэрэ”, - диэтэ баһылык Тоҕо эрэ кэлиҥҥи кэмҥэ эһэ нэһилиэнньэлээх пуун…
Ааспыт сууккаҕа Саха сиригэр 8 буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллар. Бүгүн, от ыйын…
Бүгүн, от ыйын 3 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…