Хаартыска: култуура, духуобуйна сайдыы министиэристибэтэ.
Муус устар 18-23 күннэригэр Казахстаҥҥа Саха сирин күннэрэ ыытыллыахтара. Уруулуу норуоппутугар тиийэн, туохпутун утары уунабыт, тугу көрдөрөбүт?
Казахстаҥҥа Саха сирин күннэрин култуурунай бырагырааматыгар саха киинэтин, олоҥхону, балеты, муусуканы, фольклору, литератураны билиһиннэриэхтэрэ диэн култуура, духуобунай сайдыы министиэристибэтэ иһитиннэрэр.
Ол курдук, «Чарующие звуки предков» көһө сылдьар быыстапка туруоҕа. Саха сирин, Казахстан, Кыргызстан эпостарын толорооччулара көрсүһүөхтэрэ. Үс омук түҥ былыргы эпостарын тутан олорон истэр олус интэриэһинэй буолуоҕа.
Маны тэҥэ, «Виртуозы Якутии» скрипачтар ансаамбыллара, Олоҥхо тыйаатырын, Опера, балет тыйаатырын артыыстара кэнсиэртиэхтэрэ, испэктээкиллэрин көрдөрүөхтэрэ. Андрей Борисов туруоруутунан «Ньургун Боотур» испэктээкили «Астана Балет» тыйаатыр сыанатыгар уонна Алматы куорат Абай аатынан Национальнай опера, балет тыйаатырыгар көрдөрүөхтэрэ. Аныгы хореография киэһэтигэр «Геометрия движения» и «Сияющий камень» балеттар буолуохтара.
«Кыыс Дэбилийэ» олоҥхо-испэктээкил икки улахан тыйаатыр сыанатыгар туруоруохтара.
Казахстан Национальнай түмэлигэр «Сокровища Якутии» быыстапка күндү малларын күлүмүрдэтиэҕэ. Быыстапкаҕа скульптураны, ат симэҕин, дьахтар киэргэлин, уран уустар оҥоһуктарын көрдөрүөхтэрэ. Быысапкаламмыт өрөспүүбүлүкэ каартата, ювелирнэй оҥоһуктар, күндү таастар, о.д.а. ыам ыйын 1 күнүгэр диэри туруохтара.
Казахстан олохтоохторугар саха киинэлэрин көрдөрүөхтэрэ. Норуодунай бэйиэт Наталья Харлампьева «Саха оноҕоһо» кинигэтин билиһиннэриэҕэ. Норуоттар икки ардыларынааҕы төгүрүк остуолга национальнай литература сайдыытын, норуоттар доҕордоһууларын туһунан кэпсэтиэхтэрэ.
Казахстаҥҥа Саха сирэ атыыга-эргиэҥҥэ, экэнэмиичэскэй, инвестиционнай, туристическай балаһыанньатын көрдөрүөҕэ. Тэрээһиннэр Астана, Петропавловскай, Алматы куораттарга буолуохтара.
Тэрээһин чэрчитинэн, СӨ бырабыыталыстыбата уонна Хотугу-Казахстан уобалаһын акимата меомрандумҥа илии баттаһыахтара. Маны тэҥэ, Дьокуускай уонна Петропавловскай куораттар бырааттыы сибээстэрин туһунан дуогабарга илии баттаһыахтара.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…