Казахстаҥҥа Саха сирин киинэтин күннэрэ ыытыллыахтара

Балаҕан ыйын 15-20 күннэригэр Казахстан Алматы куоратыгар «Русские сезоны» бырайыак чэрчитинэн Саха сирин киинэтин күннэрэ ыытыллыахтара. Алматы олохтоохторугар анаан уон сахалыы киинэни көрдөрүөхтэрэ. Бу туһунан «Сахафильм» хампаанньа иһитиннэрэр.

Ол иһигэр:

— «Орто Дойду» киинэ (1993 с.), режиссер Алексей Романов;

— «Чувак» киинэ (2017 с.), режиссер Владимир Мункуев;

— «Нет бога кроме меня» драма (2019 с.), режиссер Дмитрий Давыдов;

— «Мин үрдүбэр күн хаһан да киирбэт» киинэ (2019 с.) уонна «Кэрэни көрбүт» (2022 с.), режиссер Любовь Борисова;

— «Күлүк хомус» киинэ (2019 с.) уонна «Холодное золото» киинэ (2021 с.), режиссер Петр Хики;

— «Дьулуур: мас-рестлинг» киинэ (2021 с.), режиссер Валентин Макаров;

— «Биһиги кыһыммыт» киинэ (2022 с.) уонна «Айта» киинэ (2023 с.), режиссер Степан Бурнашев.