Хаартыска: Култуура министиэристибэтэ
Муус устар 17-23 күннэригэр Казахстаҥҥа ыытыллар Саха сирин күннэрин чэрчитинэн култуура кэккэ тэрээһиннэрэ буолуохтара.
Өрөспүүбүлүкэтээҕи медиа-кииҥҥэ бэҕэһээ, муус устар 12 күнүгэр, Суорун Омоллоон аатынан Опера уонна балет тыйаатыра Казахстаҥҥа уонна Кыргызстаҥҥа ыытар «Улахан гостуруоллар» бырагырааматыгар анаммыт пресс-кэмпириэнсийэҕэ бу туһунан кэпсээтилэр.
Ол курдук, Казахстан олохтоохторо уонна ыалдьыттара «Саха сирин виртуозтара» ансаамбылы, СӨ прикладной ускуустубатын уонна култууратын «Саха сирин күндү баайа» быыстапкатын, «Чарующие звуки предков» көһө сылдьар быыстапканы билсиэхтэрэ. Ону таһынан Суорун Омоллоон аатынан Опера уонна балет тыйаатырын «Ньургун Боотур» туруоруутун, «Геометрия движения. Сияющий камень» биир акталаах балетын көрүөхтэрэ.
Саха киинэлэрин, Олоҥхо тыйаатырын «Кыыс Дэбилийэ» олоҥхотун көрдөрүү, Саха сирин норуодунай бэйиэтэ Наталья Харлампьева кинигэтин сүрэхтэниитэ, «Аан дойду эпостара» кэнсиэр былааннаналлар.
Ону сэргэ Саха сирин, Казахстан уонна Кыргызстан норуоттарын эпоһын толорооччулары кытары көрсүһүү буолуоҕа.
Саха уонна Казахстан өрөспүүбүлүкэлэрин икки ардыларыгар култуурунай уонна уопсастыбаннай сибээс, ол иһигэр салайааччылары, суруйааччылары, култуура диэйэтэллэрин, духуобунас лиидэрдэрин кытары сибээс уруккуттан баар.
«Казахстан олохтоохторугар уонна ыалдьыттарыгар аныыр бырагыраамабыт икки дойду култууратыгар бииргэ үлэлээһини бөҕөргөтүүгэ ананар. Казахстаҥҥа Саха сирин күннэрэ үрдүк таһымнаахтык барарыгар эрэнэбит!» -– диэн тэрийээччилэр бэлиэтээтилэр.
Пресс-кэмпириэнсийэҕэ «Ньургун Боотур» олоҥхо-опера ааптара уонна туруорааччы режиссера Андрей Борисов, СӨ култуураҕа уонна духуобунай сайдыыга миниистирэ Афанасий Ноев, Опера уонна балет тыйаатырын дириэктэрэ Владислав Левочкин (модератор), тыйаатыр уус-уран салайааччыта, сүрүн дирижера Павел Васьковскай, тыйаатыр сүрүн балетмейстера Екатерина Тайшина кытыннылар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…