Казахстантан туристар бөлөхтөрө Дьокуускай устун экскурсияҕа сырыттылар

«Азия оҕолоро» норуоттар икки ардыларынааҕы VIII  спортивнай оонньуулар чэрчитинэн Саха сирин туризмҥа уонна территориальнай маркетиҥҥа ааҕыныстыбата Урбаан, атыы-эргиэн уонна туризм министиэристибэтэ бигэргэппит Дьокуускай куорат устун үс кэрэхсэбиллээх экскурсия маршрутун бэлэмнээтэ.

Маршруттар киин куорат историческай уонна кэрэхсэбиллээх сирдэрин сибээстииллэр. Манна түмэллэри таһынан, «Царство вечной мерзлоты» туоркомплекс, эргэ куорат историческай суолталаах кыбаартала киирэллэр. Казахстантан ыалдьыттар экскурсия бастакы күнүгэр «Россия  — моя история» историческай пааркаҕа, Хомус түмэлигэр, Ярославскай аатынан түмэлгэ сырыттылар.

20 экскурсовод аттестацияны ааһан араас дойдуттан кыттааччылар бөлөхтөрүн үс чаастан ордуга суох экскурсияҕа сырытыннараллар. Бу сырыылар кэмигэр ыалдьыттарга Дьокуускай куорат устуоруйатын, култууратыгар, куорат үгэстэрин кэпсээтилэр, кэрэ-бэлиэ сирдэрин көрдөрдүлэр.

«Азия оҕолоро» оонньуулар аан бастаан Саха сиригэр 1996 сыллаахха өрөспүүбүлүкэ Бастакы Бэрэсидьиэнэ Михаил Николаев көҕүлээһининэн ыытыллыбыттара.