Хаартыска: Ульяна Захарова
Казань куоракка тахсыбыт иэдээнинэн Дьокуускайга бэйдиэ сылдьар ыттары тутууга үлэни күүһүрдэр туһунан баһылык Евгений Григорьев сорудахтаата. Бу туһунан «Эхо столицы» суруйар.
«Билиҥҥи туругунан бары миэрэни ылыахпытын, биһигини сокуон хааччахтыыр», — диэн иһитиннэрбит куорат баһылыга. Ол курдук, билигин куорат үрдүнэн уопсайа ыты тутар 26 ловушканы бэлэмнээбиттэр. Сорохтор өрөмүөҥҥэ тураллар үһү.
Сэтинньи 9 күнүгэр Казань куоракка ааһан иһэр дьон ыкка ытыртарыы суоллаах-иистээх дьахтар өлүгүн булбуттар. Холуобунай дьыала тэриллибит. «Вечерняя Казань» суруйарынан, Самосырово диэн куорат таһынааҕы бөһүөлэккэ 49 саастаах дьахтар өлүгүн булбуттар. Олохтоохтор сабаҕалааһыннарынан, дьахтары бэйдиэ сылдьар ыттар саба түһэн өлөрбүттэр. Кини сарсыарда эрдэ үлэлиир симиэнэтигэр баран испит. Дьахтар өлүгүн таһыгар үөррүнэн ыт сылдьарын производственнай бааза таһынааҕы камера устубут. Бу баазаҕа бэйдиэ сылдьар ыттары аһаталлар эбит. Онон Казань олохтоохторун быһыылаан улаханнык аймаата.
Бэлиэтээн суруйдахха, биһиэхэ бэйдиэ сылдьар ыт кыһалҕата эмиэ сытыытык турар. Аҕыйах сыллааҕыта Дьокуускай куорат ипподромугар үөр ыттан дьахтар суорума суолламмыта. Оттон бу ааспыт ый саҥатыгар Чульмаҥҥа бэйдиэ ыттар саба түһүүлэриттэн 12 саастаах кыысчаан өлбүтэ.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…