Кэбээйи нэһилиэгин баһылыгын боломуочуйатын болдьоҕун иннинэ тохтоттулар

СӨ Борокуратууратын ирдэбилинэн Кэбээйи нэһилиэгин баһылыгын боломуочуйатын болдьоҕун иннинэ тохтотор туһунан быһаарыы ылыннылар.

Бу туһунан СӨ Борокуратууратын пресс-сулууспата суруйар. Кэбээйи улууһун Борокуратуурата коррупцияны утары сокуону тутуһууну бэрэбиэркэлээтэ.

Силиэстийэ быһаарбытынан, Кэбээйи нэһилиэгин баһылыга урбаанньыт кэргэнин кытары дуогабар түһэрсэн, нэһилиэк бүддьүөтүттэн гараж арендатыгар уонна тутуу матырыйаалын тиэйиигэ 160 тыһ. солк. тахса сууманы  ороскуоттаабыта быһаарылынна. Дуогабар коррупцияны утары сокуону кэһиилээх бэйэлэрин интэриэстэригэр түһэрсиллибитэ чуолкайданна.

Борокуратуура баһылык дуоһунаһыттан болдьоҕун иннинэ тохтоторго уонна нэһилиэк дьокутааттарын Сэбиэтин дуоһунаска хаалларар туһунан ылыммыт быһаарыыларын сокуоннайа суоҕунан суут көрүүтүгэр ыытта.