Кэбээйи оройуонугар буоста урукку начаалынньыгар бириигэбэр таҕыста

Кэбээйи оройуонун борокуратуурата олохтоох дьахтарга сыһыаннаах судаарыстыбаннай буруйдааһыны өйөөтө. Кини РФ ХК 160 ыст. 3 ч. (харчыны иҥэринии) сууттанна.

Суукка биллибитинэн, Сэбээн Күөл сэл. буоста  салаатын начаалынньыга киниэхэ итэҕэйиллибит 890 тыһ. солк. харчыны уоран ылан, бэйэтин наадатыгар туһаммыт.

Суут судаарыстыбаннай буруйдааччы санаатын учуоттаан, бу дьахтары 3 сылга көҥүлүн быспыт, 2 сылга усулуобунай болдьохтоох.

Буруйдаах начаалынньык 890 тыһ.солк. таһаарбыт хоромньутун толору төлөөбүт.

Суут бириигэбэрэ толору күүһүгэр киирэ илик.