Хаартыска: «Дабаан» хаһыат
Олунньу 15 күнүгэр Кэбээйи оройуонугар ситэриилээх былаас уорганнарын отчуота саҕаланна. Отчуот олунньу 22 күнүгэр диэри ыытыллар. Быраабыталыстыба бөлөҕүн СӨ Бырабыыталыстыбатын Бэрэссэдээтэлин солбуйааччы Сергей Местников салайар.
Дэлэгээссийэ Кэбээйи улууһун бары нэһилиэнньэлээх пууннарыгар тиийиэҕэ. Бүгүн СӨ Юстицияҕа судаарыстыбаннай кэмитиэтин бэрэссэдээтэлэ Павел Иванов салайар иккис бөлөҕө Батамай уонна Сиэгэн Күөл нэһилиэнньэтин иннигэр отчуоттуур.
Олунньу 17 күнүгэр ситэриилээх былаас уорганнарын 2024 сыллааҕы үлэтин отчуотун Сэбээн Күөл сэлиэнньэтин олохтоохторо сыаналыахтара.
Олунньу 19 күнүгэр отчуот — Ситтэ сэлиэнньэтигэр, олунньу 20 күнүгэр — Кэбээйигэ, олунньу 21 күнүгэр — Кальвицаҕа буолуоҕа.
Бастакы бөлөх олунньу 17 күнүгэр Сайылык сэлиэнньэтин нэһилиэнньэтин иннигэр отчуоттуоҕа, олунньу 18 күнүгэр — Баҕадьы, Арыылаах, Мастаах, олунньу 19 күнүгэр – Лүксүгүн, Арыктаах уонна Чагда сэлиэнньэлэригэр үлэлиэҕэ.
Олунньу 20 күнүгэр иккис бөлөх Кэбээйи сэлиэнньэтигэр үлэлиэҕэ. Кэбээйигэ социальнай суолталаах эбийиэктэри көрүү- истии уонна 2026 сылга Олоҥхо ыһыаҕын тэрийэр кэмитиэт мунньаҕын ыытыы былааннанар.
Олунньу 21 күнүгэр Арҕас сэлиэнньэтигэр отчуот буолуоҕа.
Түмүк отчуот олунньу 22 күнүгэр оройуон киинигэр – Сангаар бөһүөлэгэр былааннанар. Бары нэһилиэнньэлээх пууннарга нэһилиэнньэни кытта көрсүһүүлэр буолуохтара.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…
Ил Дархан Айсен Николаев «АЛРОСА» хампаанньа үлэһиттэрин уонна бэтэрээннэрин Саха Өрөспүүбүлүкэтин салалтатын уонна тус бэйэтин…