Кэбээйи суолугар Хатыҥ Үрэх муостатын үлэтэ бүтэн эрэр

«Куттала суох уонна хаачыстыбалаах суоллар» национальнай бырайыак чэрчитинэн «Кэбээйи» айан суолугар Хатыҥ Үрэҕи туоруур муоста үлэтэ түмүктэнэн эрэр.

Билигин суол бэлиэлэрин туруоруу, оту-маһы ыраастааһын үлэлэрэ ыытыллаллар. Үлэни «СӨ Массыына суолларын управлениета» ГКУ сакааһынан «Строй мост» ХЭУо тэрилтэ оҥордо. Муоста устата — 1 км.

Сакаасчыт да, бэдэрээччит да икки өттүттэн ситимнээх үлэлэрин түмүгүнэн, Хатыҥ Үрэх муостата алтынньы үһүс өрөбүлүгэр, о.э. суолу тутар хаһаайыстыба үлэһиттэрин күнүгэр үөрүүлээх аһыллыыта былааннанар.

Кэбээйи нэһилиэгин олохтоохторо эрэ буолбакка, улуус дьоно бары бу муоста үлэҕэ киирэрин долгуйа, үөрэ күүтэллэр,  улуус сайдыытыгар биллэр хардыынан буоларыгар эрэнэллэр.

Татьяна Максимова-Лазарева.