Кэбээйи суолугар сырыы көҥүллэннэ

Ааспыт сууккаҕа Кэбээйи улууһугар “Кэбээйи” эрэгийиэннээҕи суол өрөмүөннэнэн, сырыы көҥүллэннэ. Бу суол алдьаммытыгар кумаҕы, гравийы куттулар, уу барар турбатын туруордулар. Бу туһунан ыам ыйын 21 күнүгэр “СӨ массыына суолун управлениетын” отделын начаалынньыга Александр Шипошин иһитиннэрдэ.

Билиҥҥи туругунан, Уус Маайа оройуонугар “Амма” суолугар икки сиринэн сабыылаах. Ону тэҥэ, “Амма” суол 345-с килэмиэтиригэр сырыы бобуллан турар. Манна Муокуйа үрэх уутун таһыма суолтан 70 см таһынан бара турар.

Петропавловскай сэлиэнньэтигэр киириигэ 1 килэмиэтир усталаах сиринэн суолу уу бүрүйдэ.

“Бөтүҥ” суол 75-с килэмиэтиригэр Мигири үрэх таһымнаан, ыам ыйын 20 күнүттэн сырыы быстах кэмҥэ сабылынна.

Эрэгийиэннээҕи суолларга быстах кэмҥэ сабыллыбыт суолларга бэдэрээттэһэр тэрилтэлэр күнүстэри-түүннэри дьуһуурустубалыыллар, кэтээн көрөллөр.

Ил Дархан, бырабыыталыстыба дьаһалтатын пресс-сулууспата.