Кэбээйи улууһугар 1 мөл. солк. тахса сууманы уоруунан тэриллибит холуобунай дьыала суукка барда

Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр. Кини РФ Холуобунай кодексатын 160 ыстатыйатын 4 чааһынан буруйданар.

Силиэдэбэтэл быһаарыытынан, буруйданар дьахтар Мастаах сэлиэнньэтин буостатын салаатын начаалынньыгын дуоһунаһыгар олорон, үлэтин сиэйпэттэн 1 мөлүйүөн солкуобайтан тахса сууманы уоран ылбыт, онтун чугас дьонугар уонна аймахтарыгар «Форсаж-Срочные безадресные переводы» АИС систиэмэтинэн ыыппыт.

Силиэстийэ кэмигэр дьахтар оҥорбут буруйуттан үөскээбит хоромньу сороҕун, 824 тыһ. солк. суумааны төлөөбүт. Ону сэргэ буруйданар дьахтар 367 тыһ. солк. суумалаах баайа тутуллубут.

Борокуратуура холуобунай дьыаланы суут көрүүтүгэр ыыппыт.