Хаартыска: Дабаан хаһыат.
Нэһилиэнньэни кытта бииргэ үлэлээһин көдьүүстээхтик барарын хааччыйар уонна төһө кыалларынан элбэх олохтооҕу хабар инниттэн хамаанда үс бөлөҕүнэн үлэлиир. Бастакы бөлөҕү бырабыыталыстыба бэрэссэдээтэлин солбуйааччы Сергей Местников салайар. Иккис бөлөх култуура уонна духуобунай сайдыы миниистирэ Афанасий Ноев салалтатынан үлэлиир. Үһүс бөлөҕү юстиция судаарыстыбаннай кэмитиэтин бэрэссэдээтэлэ Павел Иванов салайар.
Бырабыыталыстыба бэрэссэдээтэлин солбуйааччы Сергей Местников Батамай, Сиэгэн Күөл сэлиэнньэлэригэр отчуоттаата. Арыылаах, Баҕадьа нэһилиэнньэлээх пууннар олохтоохторун кытта иккис бөлөх көрүстэ.
Арыылаах сэлиэнньэтин олохтоохторо былырыын Бырабыыталыстыба отчуотугар туруорбут биэс боппуруостара туолбутунан махталларын биллэрэллэр. Өссө икки боппуруоска күн бүгүн үлэлэһэ сылдьаллар. Көрсүһүү иитинэн былаас уорганын бэрэстэбиитэллэрэ олохтоохтор социальнай-экэнэмиичэскэй сайдыыга, олох-дьаһах хаһаайыстыбатыгар, суолга, тыа хаһаайыстыбатыгар сыһыаннаах ыйытыыларыгар хоруйдаатылар. Нэһилиэнньэ улууска олох хаачыстыба тупсарыгар сыһыаннаах ырытыһыыга көхтөөхтүк кытынна, бэйэлэрин этиилэрин киллэрдилэр. Кэбээйи улууһугар судаарыстыбаннай былаас түмүктүүр отчуота олунньу 11 күнүгэр Сангаар бөһүөлэгэр буолуоҕа. Ити туһунан Ил Дархан уонна Бырабыыталыстыба пресс-сулууспата иһитиннэрэр.
2025 сыллаахха ахсынньы 25 күнүгэр РФ Бэрэсидьиэнэ Владимир Владимирович Путин Судаарыстыбаннай Сэбиэт мунньаҕар дойду экэниэмикэтигэр…
Ил Дархан, эрэгийиэн көҥүл тустууга федерациятын бэрэсидьиэнэ Айсен Николаев ааспыт өрөбүлгэ Арассыыйа көҥүл тустууга сүүмэрдэммит…
Бэҕэһээ, олунньу 8 күнүгэр, киэһэ Арассыыйа наукаларын академиятын Геофизическэй сулууспатын Саха сиринээҕи филиалын сейсмическэй ыстаансыйата…
Дьокуускайга ааспыт нэдиэлэҕэ сэттэ суол саахалыгар аҕыс киһи эчэйбит. Бу туһунан бүгүн киин куораттааҕы планеркаҕа…
Бүгүн, олунньу 9 күнүгэр, судаарыстыбаннай былаас ситэриилээх уорганын отчуота Алдан оройуонугар саҕаланар. Кирилл Бычков салайааччылаах…
Быйылгыттан Дьокуускайга оптуобустан сибэккини атыылыыр бобуллар. Бу ирдэбили сааскы бырааһынньыктар кэмнэригэр анал мобильнай бөлөхтөр бэрэбиэркэлиэхтэрэ…