СИА хаартыската.
Ил Дархан Айсен Николаев ыйаахтарын уонна Кэбээйи улууһун баһылыга Иван Левин дьаһалларын чэрчилэринэн байыаннай эпэрээссийэҕэ кытта сылдьар буойуттар дьиэ кэргэттэригэр көмө, өйөбүл быһыытынан үөрэхтээһин эйгэтигэр кэккэ чэпчэтиилэри ылынан, олоххо киллэрэллэр. Бу туһунан Кэбээйи улууһун үөрэхтээһин управлениетын начаалынньыга Ирина Неустроева иһитиннэрдэ.
«Ол курдук, оскуолаларга байыаннай сулууспалаахтар 5-11 кылаастарга үөрэнэр оҕолоругар босхо аһылык, уһуйааннарга оҕону сырытыннарыы иһин төрөппүтү төлөбүртэн босхолооһун, 6 саастарыттан 18 саастарыгар диэри оҕолорго сайыҥҥы лааҕырдарга босхо путевкалар, босхо айан, 5-11 кылаас үөрэнээччилэрэ Сангаар бөһүөлэгин уопсастыбаннай тырааныспарыгар босхо айанныыллара көрүллүбүтэ. Оҕолор киинэҕэ, спорт саалаларыгар босхо сылдьаллар», — кэпсээтэ Ирина Неустроева.
Маны таһынан, үөрэхтээһин тэрилтэригэр оҕолору патриотическай иитиигэ ситимнээх үлэни ыытыыны сэргэ оҕолору уопсастыбаннай үлэлэргэ сыһыаран, «Саллаакка сурук» аахсыйаларынан оҕолор аккырыыккалары уруһуйдууллар, эҕэрдэлэри суруйаллар, төрөппүттэрин кытта сылаас таҥас хомуйуутун аахсыйатыгар кытталлар.
«Маннык араас хабааннаах үлэ тохтообокко салҕанар. Ол барыта буойуттарбыт кыайыы аргыстаах этэҥҥэ эргиллэн кэлэллэригэр туһуланар», — диэн Неустроева бэлиэтээтэ.
Саха төрүт аһа. Көбүөрдээх лэппиэскэни сөбүлүүгүт дуо? Оттон сыаҕа буспут лэппиэскэни амсайбыккыт дуу? Маныаха Е.Ф.Кузьмина "Саха…
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин…
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр. Бу дойду Бэрэсидьиэнэ Владимир Путин…
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”…
Степан Саргыдаев, Чурапчы улууһун баһылыга: --Чурапчы нэһилиэгин баһылыгыттан саҕалаан улуус баһылыгынан талыллан баһылыктыы уонна өрөспүүбүлүкэ…
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…