Хаартыска: Андрей Сорокин, ЯСИА.
Ил Дархан Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр сылдьан, автоматизированнай гибриднэй энергокомплекс (АГЭК) тутуута хайдах баран иһэрин көрдө.
«Сахаэнерго бырайыага энергетическэй өҥө дуогабарынан манна 1980-с сыллартан үлэлиир эргэ дизельнэй станцияны сыыйа-баайа солбуйуоҕа. Сорох энергияны күн батареята биэриэҕэ, оттон салайыы уонна хонтуруоллааһын аныгылыы барыаҕа уонна автоматизированнай буолуоҕа. Комплекс уопсай кыамтата 8 МВт, ол онтон 2 МВт-ны күн генерацията биэриэҕэ. Бастакы түһүмэх хайыы-үйэ ситэриллэн бүттэ, иккис түһүмэх быйыл атырдьах ыйыгар түмүктэниэхтээх. Тутуллан бүппүтүн кэннэ, комплекс Сангаары барытын уонна сүрүн эбийиэктэри эрэллээх уотунан хааччыйыаҕа. Гибриднэй генерация өрөспүүбүлүкэҕэ көдьүүстээҕин дакаастаан турар, кини уот ороскуотун ачччатар уонна энерго-көдьүүһү үрдэтэр. Маннык быһаарыылары салгыы атын суола-ииһэ суох нэһилиэнньэлээх пууннарга туттан иһиэхпит», — диэн Айсен Николаев бэйэтин MAX ханаалыгар бэлиэтээтэ.
Энергокомплекс тутуллан бүттэҕинэ, Сангаар бөһүөлэгин олохтоохторун, ону тэҥэ социальнай суолталаах эбийиэктэри эрэллээх уотунан хааччыйыаҕа. Онно сэттэ хочуолунай, икки сылытар пуун, үс уһуйаан, икки үөрэх кыһата, доруобуйа харыстабылын эбийиэктэрэ, ТЦТР, суотабай сибээс эбийиэгэ уонна аэропорт киириэхтэрэ. Бырайыакка саҥа киирэр дьону холбуур резервнэй кыамта эмиэ көрүллүбүт, диэн иһитиннэрэр Ил Дархан, бырабыыталыстыба пресс-сулууспата.
Горнай улууһугар Атамай оскуолатыгар оҕо хаһыатыгар "Кэскилгэ" кылааһынан анал сурутуу аахсыйата ыытыллыбыта. Онно оҕолор көхтөөхтүк…
Тохсунньу 31 күнүгэр Дьокуускайга “Арассыыйа – мин устуоруйам” историческай паакаҕа Туризм бэстибээлэ ыытыллыаҕа. Тэрээһиҥҥэ туризм…
«Все в этой жизни каждый навык, знание, опыт как петли нити вяжутся в красивое кружево…
Быйыл Хомус киинэ уонна түмэлэ Абый, Аллайыаха, Муома, Үөһээ Халыма, Аллараа Халыма уонна Орто Халыма…
Тохсунньу 31 күнүгэр идэлээх бырааһынньыктарын ювелирдар – күндү таастары уонна металлары кытта күннэтэ үлэлиир маастардар…
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна…