Кэбээйи улууһугар оҕолорго кырыктаах сыһыаннаһыынан тэриллибит холуобунай дьыаланы суукка ыыппыттар

Кэбээйи улууһун борокуратуурата Сангаар бөһүөлэгин олохтооҕор көбүтүллүбүт холуобунай дьыаланан буруйдуур аактаны бигэргэппит. Дьахтар Холуобунай кодекс 156 ыстатыйатынан буруйданар.

Ыйыталаһан быһаарыы түмүгэр, түөрт сокуоннай сааһын туола илик оҕолоох дьахтар арыгы иһэн баран оҕотун кырбыыра, оҕолорун көрүүтэ-истиитэ, аһылыга суох хаалларара, дьиэтигэр туора дьону мунньара, кинилэри кытта арыгылыыра биллибит. Кыра оҕотун хат сылдьан табахтыыр, арыгылыыр буолан оҕотун доруобуйата кэһиллиилээх төрөөбүт.

Холуобунай дьыаланы суут көрүүтүгэр ыыппыттар. Дьахтары ийэ быраабыттан быспыттар. Ити туһунан СӨ борокуратууратын телеграм ханаалыгар суруйаллар.