Хаартыска: ЫБММ пресс-сулууспата
Муус устар 8 күнүгэр Кэбээйи улууһун Батамай Күөлүгэр тахсыбыт балыксыттар бөлөхтөрө муус устар 4 күнүгэр сураҕа суох сүппүттэрин туһунан иһитиннэрии киирбитэ.
Үс балыксыттан иккитэ 60-тан тахса аҕам саастаахтар эбит. Биэдэмистибэ пресс-сулууспата иһитиннэрэринэн, бэҕэһээ, муус устар 9 күнүгэр, Түбэ хонтуруоллуур-быыһыыр пуоһун быыһааччылара сарсыарда «МУЛ» снегоболотоходунан балыксыттар сүппүт сирдэринэн көрдүү тахсыбыттара.
«Олохтоох балыксыттары уонна муниципальнай былаас үлэһиттэрин кытта сүбэлэһэн баран, кинилэр ханна баар буолуон сөптөөх сирдэрин быһаарбыппыт. Бу кэмҥэ улууска соторутааҕыта хаар уонна буурҕа түһэн, суол-иис барыта хаарынан бүрүллэн уустуктары үөскэппитэ. Хаар халыҥа сорох сиринэн 1 миэтэрэҕэ диэри тиийэрэ. Хата, тиэхиньикэ үчүгэй буолан, халыҥ хаарга харгыстары көрсүбэтибит. Хас да күөлү кэрийэн, көрөн-истэн баран, балыксыттар «Табалаах» диэн ааттыыр күөлгэ тахсыбыппыт. Онно сүппүт балыксыттары булбуппут. Кинилэр суол-иис мөлтөөн, хаар уонна буурҕа түһэн, балтараа хонук устата күөлгэ тахсыбыттар эбит. Эбиитин УАЗ массыыналара алдьанан, элбэх эрэйи көрсүбүттэр, ол эрээри быыһыгар балыктаан бултуйбуттара эмиэ баар. Биһиги кинилэри булар кэммитигэр хайыы-үйэ төннөргө санаммытара биллибитэ. Балыксыттар тиэхиньикэлэрин Батамай сэлиэнньэтигэр тахсар суолга диэри соһон илдьибиппит, ол кэннэ кинилэр бэйэлэрэ салгыы айаннаабыттара уонна быысталах суох сибээстэһэ сылдьыбыппыт. Ити кэннэ төннөн иһэн эмиэ биир балыксыттар бөлөхтөрүгэр көмөлөспүппүт, балыксыттар эмиэ хаарга хаайтаран хаалбыттар этэ», — диэн кэпсиир Түбэтээҕи СӨ Быыһыыр сулууспатын кэтиир-быыһыыр пуоһун салайааччыта Константин Федоров.
Суһал сулууспа биир кэлим нүөмэрэ — «112», СӨ суһал дьуһуурунай сулууспатын төлөпүөнэ: 8 (4112) 45-90-19.
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…