Кэбээйи улууһун баһылыктара пуорумҥа тиийдилэр

Бүгүн дойду тэбэр сүрэҕэр «Малая Родина — Сила России» диэн пуорум ыытылла турар. Пуорумҥа Саха  сирин Кэбээйи улууһуттан биэс баһылык тиийэн кытта сылдьар.

Кэбээйи улууһун баһылыга Иван Левин бу туһунан улуус ТГ-ханаалыгар суруйбут:

— Тэрээһин дойду бары эрэгийиэннэрин, оройуоннарын уонна нэһилиэктэрин түмүөҕэ уонна уопут атастаһыытыгар туһалаах былаһаакка буолуоҕа диэн эрэллээхпин. Бүгүн кэллиэгэлэрбин кытта араас сектордарынан үлэлээтибит. Сарсын бэрэсидьиэн тыл этиитин күүтэбит, — диэбит.