Бэс ыйын саҥатыгар саха норуодунай суруйааччыта Николай Лугинов салайааччылаах айар бөлөх Куокуй нэһилиэгэр быйыл бэһис төгүлүн “Таас Тумус күөнүгэр” литературнай экспедициянан кэлэн сырытта. Куокуй дьоно-сэргэтэ экспедиция дьонун үөрэ-көтө көрүстүлэр, ас амтаннааҕын аһаттылар, туох кыалларынан көмөлөстүлэр.
Быйылгы устуулар Георгий Башариҥҥа, Дмитрий Сивцев-Суорун Омоллооҥҥо анаммыт буоланнар, экспедицияҕа ГЧИ түмэлин үлэһитэ, Суорун Омоллоон сиэнэ Илья Васильев ыҥырыллан кэлбит. “Урут Кэбээйи улууһугар сылдьа илигим, онон саҥа сири интэриэһиргээммин итиэннэ суруйааччылар тэрээһиннэригэр кыттыахпын, суруйуохпун баҕарарым быһыытынан үөрэ-көтө сөбүлэһэн кэллим. Олохтоох түмэлгэ сылдьан, бу дойдуга үөскээбит улахан суруйааччы элбэҕиттэн сөхтүм”, — диир Илья Эдуардович.
“Биһиги Куокуйбут нэһилиэгэр маннык биллиилээх дьон кэлэллэрэ, интэриэһинэйи кэпсииллэрэ олус наадалаах. Онон олохтоох түмэлбит сылы эргиччи үлэлиирэ буолар диэн баҕалаахпыт”, — диэн санаатын этэр кыраайы үөрэтээччи Геннадий Иванов.
Бу биэриигэ хаһыс да төгүлүн уһуллар норуодунай суруйааччы Семен Попов-Сэмэн Тумат бу биэриилэр улахан наадалаахтарын тоһоҕолоон бэлиэтиир: “Бу экспедиция улахан суолталаах. Саха интеллигенциятын өр сыллаах хара көлөһүнүн тириэрэр, кинилэр ааспыт олохторун өссө дириҥэтэн биэрэр историческай оруол биһиги көлүөнэҕэ түстэ. Биһиги норуоппут көмүскэнэр устуоруйалаах буолуохтаах, оннук норуот өлөн-охтон биэрбэт. Оннук миссияны толоро сылдьарбытыттан астынабыт”.
“Таас Тумус күөнүгэр” экспедиция бэһис сырыытыгар туох суолталаах кэпсэтии буолбутун аны кыһын “Саха” НКИК биэриилэригэр көрүөхпүт.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …