Кэбээйи волонтердара: «Бары бииргэбит!»

Кэбээйи нэһилиэгин «Үтүө түгэн» волонтердар түмсүүлэрэ уочараттаах баһыылкаларын «Мичээр» оҕону сайыннарар киин «Кустук» эбийиэгин үлэһиттэрин кытта биир санаанан түмсэн оҥордулар.

Баһыылкалар буһарыллыбыт тоҥ астартан, ол эбэтэр Кэбээйи ыһаарыламмыт соботуттан, буспут эттэн, бурдук ас арааһыттан тураллар. Бу сырыыга түмсүү аадырыстаах баһыылкалары бэлэмнииргэ сананна. Биллэн туран, ыраах айаҥҥа барар баһыылка моһоло элбэх буолуо да буоллар, көмөлөһөөччү волонтердар салгыы айаныгар суолун-ииһин тобулаллара саарбаҕа суох.

Ону сэргэ сорох баһыылкалар Москва госпиталыгар «Саха волонтер» киин приемнайын нөҥүө айаннаатылар.

Волонтердар кыайыыга эрэллээхпит, санаабыт бөҕөх! Бары бииргэбит!

Татьяна Максимова-Лазарева