Хаартыска: Саина Колодезникова, Тускуяна Игнатьева
Бүгүн, бэс ыйын 24 күнүгэр, «Азия оҕолоро» спортивнай оонньууларга Саха сириттэн хапсаҕайга кыттыыны ылыахтаах спортсмены кытта көрсөн кэпсэттибит.
-Үтүө күнүнэн, ааккын-суолгун, хаһыс кылааскын кылгастык сырдат эрэ.
— Антонов Марк диэммин, 8 кылааһы бүтэрдим.
—Хантан сылдьаҕын?
-Бэйэм Бүлүү улууһуттан төрүттээхпин, оттон 7 кылаас үһүс чиэппэриттэн Кэбээйи интернатыгар үөрэнэ киирбитим.
—Оччоҕо, “Азия оҕолорун” оонньууларыгар, Кэбээйи аатыттан киирсэҕин дуо?
-Аһа.
-Хапсаҕайынан хаһааҥҥыттан дьарыктанаҕын?
-Маҥнайгы тренерым Евгений Андреевич этэ, киниэхэ 1 кылаастан 7 кылаас иккис чиэппэригэр диэри дьарыктаммытым, кини Лөкөчөөн нэһилиэгэр физкультура уруогун ыытар, ону таһынан тренердыыр. 7 кылаас үһүс чиэппэриттэн күн бүгүнүгэр диэри Михаил Васильевич көрүүтүнэн дьарыктана сылдьабын. Кини хапсаҕай көрүҥэр Саха сирин үтүөлээх тренера. Онон, уопсайа 8 сыл курдук дьарыктанным.
—Дьарыктанар күнүҥ эрэсиимэ хайдах ааһар?
-Сарсыарда тураат, хайаан даҕаны сэрээккэлиибин, салгыы аһыыбын. Ол кэннэ, эбиэккэ диэри дьарыктанабын, оттон аһаан, сынньанан баран киэһэ эмиэ дьарыкпар барабын.
—Бэйэҥ успуорка туох ыарахаттары көрсүбүккүнүй?
-Улахан бу диэн этэр кыаҕым суох, арай ыйааһын түһэриитин чааһа ыарахан соҕус курдук.
-“Азия оҕолорун” оонньууларыттан тугу күүтэҕин?
-Бэйэм өттүбүттэн үчүгэй көрдөрүүлэри уонна кыраһыабай киирсиилэри көрдөрүөхпүн баҕарабын.
-Билиҥҥи туругунан успуорт карьератыгар туох сыал-сорук туруорунан сылдьаҕын?
-Хапсаҕайга успуорт маастарын нуорматын толоруохпун баҕарабын.
Бу буолаары турар VIII норуоттар икки ардыларынааҕы “Азия оҕолорун” оонньууларыгар эдэр, кэскиллээх спортсмеммытыгар ситиһиини, кыайыыны-хотууну баҕарыаххайын!
Саина Колодезникова, Тускуяна Игнатьева
Өрөбүл күн сарсыарда эрдэттэн чэпчэки атлетикаҕа күрэхтэһии саҕаланна. Эбиэт иннинэ Саха сирин чэпчэки атлетикаҕа сүүмэрдэммит…
Мэҥэ Хаҥалас Майатыттан "Саха сайдам ыала" , "Тыа ыала" күрэхтэр кыттыылаахтара элбэх оҕолоох Елизавета уонна Герман…
Туймаада ыһыаҕа сыл аайы суруналыыстары кытта бэрт үгүс кэрэхсэбиллээх айар куттаах дьону көрүһүннэрэр. Мэҥэ Хаҥалас…
Туймаада ыһыаҕын кэмигэр куорат мээрэ суруналыыстары кытта көрсөр үгэһинэн быйыл эмиэ бэйэтэ болдьообут чааһыгар кэлэн…
Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ - 2024» ыччат бэстибээлэ…
Куорат спортивнай оскуолатын иитиллээччитэ, тохсус кылаас үөрэнээччитэ Альберт Винокуров «Азия оҕолоро» оонньууга үс төгүл үс…