Кэбээйи улууһун Үөрэҕин управлениетын ТГ-ханаалыттан
Онкологиялаах ыарыһахтары өйүүр «UNITY» аһымал пуонда «Роскосмос» госкорпорацияны кытта оҕолорго баҕа санааларын олоххо киллэрэллэригэр көмөлөһөр ураты бырайыагы олоххо киллэрэр.
Бу туһунан Кэбээйи улууһун Үөрэҕин управлениетын ТГ-ханаала иһитиннэрэр. Бырайыак чэрчитинэн, 13 дойдуттан онкологиялаах ыарыылаах оҕолор баҕа санааларын уруһуйдаатылар. Сотору кэминэн кинилэр уруһуйдара сулустарга айанныахтаах — «Союз-2.1а» аракыата-носитель тас бүрүөһүнүн киэргэтиэхтэрэ.
Бу бырайыак кыттааччыларын быыһыгар Н.Х. Дьяконов аатынан Тыайа оскуолатын үөрэнээччитэ Эрсан Гуляев баар. Кини уруһуйа космоска көтүөҕэ!
Ону таһынан, Эрсан «Баҕа санаа аракыатата» көтөрүн бэйэтинэн кэлэн көрөрүгэр Байконур космодромугар ыҥырылынна. Устуоруйаҕа аан бастаан оҕо уруһуйдара аракыата-носитель тас бүрүөһүнүгэр уруһуйданыахтара.
«Эрсаҥҥа уонна бырайыак бары кыттыылаахтарыгар ыра санаалаах буолалларыгар, саҥа үрдэллэргэ дьулуһалларыгар уонна бэйэлэрин күүстэригэр эрэллээх буолалларыгар баҕарабыт!» — диэн Кэбээйи улууһун Үөрэҕин управлениета суруйар.
Санаттахха, бу иннинэ Эрсан уонна атын оҕолор уруһуйдара, ону кытта ааптардар ааттара «Помощь рядом» аһымал пуонда өйөбүлүнэн 2 тыһыынча «Яндекс такси» таксыы хампаанньа массыынатыгар түһэриллибиттэрэ: космоска көтөр хараабыллар, остуоруйа кыыллара, айылҕа көстүүлэрэ уо.д.а.
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…
Москваҕа Арбатскай-Покровскай лииньийэҕэ «Уһук Илин экспреһэ» диэн пуойас сүүрэн саҕалаата. Бу пуойас Норуот сомоҕолоһуутун күнүгэр…