Кэбээйи эдэр ыаллара дьиэлэрин-уоттарын тупсараллар

Быйыл Кэбээйи улууһугар «Хаачыстыбалаах дьиэнэн хааччыйыы» СӨ судаарыстыбаннай бырагырааматынан 6 ыал олорор дьиэ сэртипикээтин ылла. Ол курдук, сыл саҕаланыытыгар 5 эдэр ыалга дьиэ сэртипикээтэ туттарыллыбыта диэн Кэбээйи улууһун дьаһалтата иһитиннэрэр.

Бэҕэһээ улуус баһылыгын эбээһинэһин толорооччу Николай Докторов Сииттэ нэһилиэгин олохтооҕор, эдэр ыал ийэтигэр Туйаара Винокуроваҕа сэртипикээт туттарда.

«Эдэр ыалларга көмөлөһүү – өрөспүүбүлүкэ бырабыыталыстыбатын уонна улуус үлэтин биир сүрүн хайысхата. Олох усулуобуйатын тупсарыыга бу хапытаал олох хаачыстыбатын тупсарыыга биир сүрүн төһүүнэн буолуоҕа», — диэтэ Николай Николаевич.