Кэбээйигэ 55 баһаарынай уоту кытта охсуһар

Ойуур баһаарын умуруорууга уонна бохсууга илиинэн хаһан минеральнай балаһалары оҥоһуллаллар уонна үрүсээккэ сүгэ сылдьан ууну ыстарар үлэлэр ыытыллаллар. Учаастакка үс кыра күөл баар, оттон харыстыыр балаһалар ойуур өттүнэн оҥоһуллаллар.

Тиэхиньикэни тиэрдии бадарааннаах сир буолан олус уустук. Уот турбут сирдэригэр тиийэр суол суох диэн СӨ Экологияҕа министиэристибэтэ иһитиннэрэр.

Уоту кытта 55 баһаарынай охсуһар: «Авиалесохрана» Дьокуускайдааҕы уонна Сангаардааҕы авиаэтэрээттэрин парашютист-баһаарынайдара уонна десантниктар-баһаарынайдара. Ону тэҥэ «Якутлесурс» тэрилтэ Кэбээйитээҕи филиала баһаары умуруорсар.

Билиҥҥи туругунан ойуур баһаарын иэнэ 190 гектар, Сиэгэн Күөлүттэн (Кировскай национальнай нэһилиэк)  9,13 км тэйиччи баар.